தேர்தலில் நிற்காமல் ஒரு லட்சம் ஓட்டுக்களை வாங்கிய சிம்பு
- IndiaGlitz, [Thursday,May 12 2016]
தமிழகத்தில் சட்டமன்ற தேர்தல் வரும் 16ஆம் தேதி நடைபெறவுள்ள நிலையில் வாக்காளர்கள் அனைவரும் தவறாமல் வாக்களிக்க வேண்டும் என்பதை வலியுறுத்தி பல்வேறு விழிப்புணர்வு நிகழ்ச்சிகள் நடைபெற்று வருகின்றது.
இந்நிலையில் சிம்பு தனது பங்காக நேற்று ஒரு பாடலை யுடியூபில் வெளியிட்டார். அனைவரும் வாக்களிக்க வேண்டும் என்று வலியுறுத்தி சிம்பு வெளியிட்ட இந்த பாடலுக்கு பெரும் வரவேற்பு கிடைத்துள்ளது. சிம்பு எழுதி இசையமைத்த இந்த பாடலை சிம்புவும் விடிவி கணேஷூம் இணைந்து பாடியுள்ளனர்.
இந்நிலையில் இந்த பாடல் வெளிவந்த ஒரே நாளில் ஒரு லட்சம் பார்வையாளர்களை கடந்துள்ளது. மேலும் நான்காயிரத்திற்கும் மேற்பட்ட லைக்குகளையும் பெற்றுள்ளது. தேர்தல் குறித்த விழிப்புணர்வு பாடலுக்கு ஒரே நாளில் ஒரு லட்சம் பார்வையாளர்கள் கிடைத்ததே இந்த பாடலுக்கு கிடைத்த பெரிய வெற்றியாக கருதப்படுகிறது.