சிம்பு-வெங்கட்பிரபு திடீர் சந்திப்பு! 'பில்லா 3' படத்திற்கு பேச்சுவார்த்தையா?
- IndiaGlitz, [Tuesday,June 26 2018]
கடந்த சில மாதங்களுக்கு முன்னர் இயக்குனர் வெங்கட்பிரபு, 'பில்லா 3' படத்தை இயக்க திட்டமிட்டுள்ளதாகவும், அந்த படத்தில் சிம்பு மற்றும் யுவன்சங்கர் ராஜா இணைவார்கள் என்றும் தனது சமூக வலைத்தள பக்கத்தில் தெரிவித்திருந்தார். இதற்கு சிம்புவும் தனது நன்றியை தெரிவித்து அந்த படத்தில் நடிக்க காத்திருப்பதாக தெரிவித்தார்
இந்த நிலையில் சமீபத்தில் சிம்பு மற்றும் வெங்கட்பிரபு சந்தித்து பேசியதாகவும், இருவரும் இணைந்து ஒரு படத்தில் பணியாற்ற திட்டமிட்டுள்ளதாகவும் செய்திகள் வெளிவந்துள்ளது. இந்த படத்தை தயாரிப்பாளர் சுரேஷ் காமாட்சி தயாரிப்பார் என தெரிகிறது.
இந்த பேச்சுவார்த்தையில் உடன்பாடு ஏற்பட்டால் ஏற்கனவே கூறியபடி 'பில்லா 3' படம் உருவாகும் வாய்ப்பு இருப்பதாக கூறப்படுகிறது. ரஜினிகாந்த் நடித்த 'பில்லா' படம் பின்னர் அஜித் நடிப்பில் 'பில்லா' மற்றும் 'பில்லா 2' என உருவாகியது. இந்த நிலையில் ரஜினி, அஜித் ரசிகரான சிம்பு, 'பில்லா 3' படத்தில் நடித்தால் அது அவரது ரசிகர்களுக்கு மட்டுமின்றி ரஜினி, அஜித் ரசிகர்களுக்கும் விருந்தாக அமையும் என எதிர்பார்க்கப்படுகிறது.