ஜார்ஜியாவில் சிம்புவின் அடுத்த படத்தின் படப்பிடிப்பு
- IndiaGlitz, [Monday,September 17 2018]
மணிரத்னம் இயக்கிய 'செக்க சிவந்த வானம்' படத்தில் நடித்து முடித்துவிட்ட நடிகர் சிம்பு தற்போது சுந்தர் சி இயக்கத்தில் ஒரு படத்திலும், வெங்கட்பிரபு இயக்கத்தில் 'மாநாடு' என்ற படத்திலும் நடித்து வருகிறார்.
இதில் சுந்தர் சி படத்தின் முதல்கட்ட படப்பிடிப்பு ஜார்ஜியாவில் நடைபெறவுள்ளது. 15 நாட்கள் நடைபெறவுள்ள இந்த படப்பிடிப்பு பாடல், ஆக்சன் மற்றும் ஒருசில வசனக்காட்சிகளின் படப்பிடிப்பு நடத்த திட்டமிடப்பட்டுள்ளது. இந்த படத்தில் சிம்பு ஜோடியாக மேகா ஆகாஷ் நடிக்கவுள்ளார். ஆனால் முதல்கட்ட படப்பிடிப்பில் அவர் கலந்து கொள்ளவில்லை என்றும் அவருடைய காட்சிகளின் படப்பிடிப்பு அடுத்தகட்ட படப்பிடிப்பில் உள்ளதாகவும் படக்குழுவினர் தெரிவித்துள்ளனர்.
லைகா நிறுவனம் பிரமாண்டமாக தயாரிக்கும் இந்த படத்திற்கு ஹிப் ஹாப் ஆதி இசையமைக்கவுள்ளார். சிம்பு, சுந்தர் சி, லைகா மற்றும் ஆதி இணைந்துள்ள இந்த மெகா கூட்டணியின் படத்திற்கு இப்போதே எதிர்பார்ப்பு ஏற்பட தொடங்கிவிட்டது.