தூத்துகுடியில் இன்று காலை முதல் நடைபெற்று வரும் ஸ்டெர்லைட் ஆலைக்கு எதிரான போராட்டம் வன்முறையாக வெடித்து அதன் காரணமாக நடத்தப்பட்ட துப்பாக்கி சூடு சம்பவத்தில் 3 பேர் பலியானதாக வெளிவந்த செய்தியை ஏற்கனவே பார்த்தோம்

இந்த நிலையில் தூத்துகுடி ஸ்டெர்லைட் ஆலையில் பணிபுரியும் ஊழியர்களின் குடியிருப்புகளுக்கு போராட்டக்காரர்கள் தீவைத்தனர். இதனால் ஊழியர்கள் குடியிருக்கும் 6 மாடி கட்டிடம் தீப்பற்றி எரிகிறது. இந்த குடியிருப்புகளில் அதிகளவில் பெண்கள் மற்றும் குழந்தைகள் இருப்பதாகவும், அவர்களில் சிலர் தீயில் சிக்கியுள்ளதாகவும் தகவல்கள் வெளிவந்துள்ளது. 

இந்த நிலையில் குடியிருப்புகளில் பரவி வரும் தீயை கட்டுப்படுத்த தீயணைப்பு வாகனங்கள் விரைந்துள்ளதாக கூறப்படுகிறது. போராட்டக்காரர்களின் வன்முறை மற்றும் அரசின் அலட்சியம் குறித்து அரசியல் தலைவர்கள் கண்டனம் தெரிவித்து வருகின்றனர்.