സഞ്ജുവിനെയും ധോണിയെയും പിന്തുണക്കാൻ ഗാലറിയിൽ നക്ഷത്രതിളക്കം
- IndiaGlitz, [Thursday,April 13 2023] Sports News
ഐപിഎൽ മത്സരത്തിൽ ചെന്നൈ സൂപ്പർ കിങ്സും രാജസ്ഥാൻ റോയൽസുമായുള്ള പോരാട്ടം കാണാൻ ഗാലറിയിൽ സിനിമാ താരങ്ങളുടെ നീണ്ടനിര തന്നെ ഇന്നലെ സ്റ്റേഡിയത്തിൽ ഉണ്ടായിരുന്നു. സഞ്ജുവിന് പിന്തുണയുമായി മലയാളത്തിൽ നിന്നെത്തിയത് ജയറാമും ബിജു മേനോനുമാണ്. ധോണിക്കു വേണ്ടി തൃഷ, ലോകേഷ് കനകരാജ്, സതീഷ്, ഉദയനിധി, ബിന്ദു മാധവി, മേഘ ആകാശ്, ഐശ്വര്യ രാജേഷ് തുടങ്ങിയവർ ഗാലറിയിലുണ്ടായിരുന്നു. അവസാന ഓവറിലെ അവസാന പന്ത് വരെ നീണ്ട ത്രില്ലറിൽ മൂന്ന് റൺസിൻ്റെ വിജയമാണ് സഞ്ജുവും സംഘവും നേടിയെടുത്തത്. എന്നാൽ ചെപ്പോക്കില്‍ മത്സരത്തിന്‍റെ ആവേശം അവസാന പന്തിലേക്ക് നീണ്ടപ്പോള്‍ മൂന്ന് റണ്‍സിന്‍റെ ജയമാണ് രാജസ്ഥാന്‍ റോയല്‍സ് സ്വന്തമാക്കിയത്. നായകന്‍ സഞ്ജു സാംസണ്‍ തുടര്‍ച്ചയായ രണ്ടാം മത്സരത്തിലും പൂജ്യത്തില്‍ പുറത്തായത് നിരാശയായി. ചെപ്പോക് സ്റ്റേഡിയത്തിൽ 2008ലെ പ്രഥമ സീസണിനു ശേഷം രാജസ്ഥാൻ ചെന്നൈ തോൽപ്പിക്കുന്നത് ഇതാദ്യമായിരുന്നു.