ప‌వ‌ర్‌స్టార్ ప‌వ‌న్‌క‌ల్యాణ్ రీ ఎంట్రీ త‌ర్వాత వ‌రుస సినిమాలు చేస్తున్న సంగ‌తి తెలిసిందే. ఒక‌వైపు రాజ‌కీయాల‌ను, మ‌రో వైపు సినిమాలు బ్యాలెన్స్ చేస్తూ ఆయ‌న సినిమాలు చేస్తూ వ‌స్తున్నారు. తెలివిగా డేట్స్‌ను కేటాయిస్తూ ఒక‌వైపు అయ్య‌ప్ప‌నుమ్ కోశియ‌మ్ రీమేక్‌తోపాటు, క్రిష్ సినిమాను పూర్తి చేస్తున్నాడు. కాగా.. ఇప్పుడు సినీ వ‌ర్గాల్లో ఆస‌క్తిక‌ర‌మైన స‌మాచారం ఒక‌టి హ‌ల్‌చ‌ల్ చేస్తోంది. అదేంటంటే.. ఓ స్టార్ రైట‌ర్ ప‌వ‌న్‌క‌ల్యాణ్ ఇమేజ్‌ను, పొలిటిక‌ల్ బ్యాక్‌డ్రాప్‌ను దృష్టిలో పెట్టుకుని క‌థ‌ను సిద్ధం చేస్తున్నాడట‌. ఆ రైట‌ర్ ఎవ‌రో కాదు.. పాన్ ఇండియా రైట‌ర్‌గా పేరు తెచ్చుకున్న విజ‌యేంద్ర ప్ర‌సాద్‌.

‘బాహుబ‌లి, బ‌జ‌రంగీ భాయ్‌జాన్‌, మ‌ణిక‌ర్ణిక’..ఇప్పుడు త‌లైవి వంటి ప‌లు చిత్రాల‌తో పాన్ ఇండియా రేంజ్‌కు చేరు‌కున్న విజ‌యేంద్ర ప్ర‌సాద్ ఒక‌వైపు రాజ‌మౌళి సినిమాల‌కు క‌థ‌ల‌ను అందిస్తూనే మ‌రో వైపు ఇత‌ర ద‌ర్శ‌కులకు కూడా క‌థ‌లు అందిస్తూ వ‌స్తున్నారు. ఆ కమ్రంలో పవన్‌క‌ల్యాణ్ కోసం క‌థ‌ను సిద్ధం చేస్తున్నార‌ని టాక్ వినిపిస్తోంది. ప‌వ‌న్ అంటే ప్ర‌త్యేకంగా ఇష్ట‌ప‌డే విజ‌యేంద్ర‌ప్ర‌సాద్ ఎలాంటి క‌థ‌ను అందిస్తాడోన‌ని వార్త‌లు సోష‌ల్ మీడియాలో హ‌ల్‌చ‌ల్ చేస్తున్నాయి.

ప‌వ‌న్‌క‌ల్యాణ్ విష‌యానికి వ‌స్తే రీ ఎంట్రీ త‌ర్వాత ఈయ‌న న‌టించిన వ‌కీల్‌సాబ్ ఏప్రిల్ 9న విడుద‌ల కానుంది. శ్రీరామ్ వేణు ద‌ర్శ‌క‌త్వంలో దిల్‌రాజు, శిరీష్‌, బోనీక‌పూర్ ఈ చిత్రాన్ని నిర్మిస్తున్నారు.