విజ‌య్‌దేవ‌ర‌కొండ‌పై క్ర‌ష్ వ‌చ్చింద‌న్న స్టార్ హీరోయిన్‌
- IndiaGlitz, [Saturday,September 28 2019]
టాలీవుడ్ స్టార్ హీరోయిన్స్‌లో ర‌కుల్ ప్రీత్ సింగ్ ఒక‌రు. ఈ ఏడాది ఈమె న‌టించిన మ‌న్మ‌థుడు 2 విడుద‌లై ప్లాప‌య్యింది. ఈ ఏడాది ర‌కుల్ ప్రీత్ సింగ్ త‌మిళంలోనే వ‌రుస సినిమాల్లో న‌టిస్తుంది. రీసెంట్‌గా మంచు ల‌క్ష్మి వ్యాఖ్యాత‌గా వ్య‌వ‌హ‌రిస్తోన్న ఫీట్ అప్ విత్ ద స్టార్స్ కార్య‌క్ర‌మంలో ర‌కుల్ బెడ్‌టైమ్ స్టోరీస్‌లో పాల్గొన్నారు. దానికి సంబంధించిన ప్రొమో విడుద‌లైంది. ఇందులో ర‌కుల్ ప్రీత్ కొన్ని ఆస‌క్తిక‌ర‌మైన విష‌యాల‌ను తెలియ‌జేశారు. సినీ సెల‌బ్రిటీల గురించిన ప్ర‌స్తావ‌న వ‌చ్చిన‌ప్పుడు ఎవ‌రితోనైనా మీకు క్ర‌ష్ ఏర్ప‌డిందా? అని అడిగితే హిందీలో ర‌ణ‌వీర్ సింగ్, తెలుగులో విజ‌య్ దేవ‌ర‌కొండ అంటే క్ర‌ష్ ఏర్ప‌డింద‌ని చెప్పుకొచ్చారు.
ప్ర‌స్తుతం ఈమె 'ఇండియ‌న్ 2' సినిమాలో సిద్ధార్థ్ జోడిగా న‌టిస్తుంది. అలాగే శివ‌కార్తీకేయ‌న్ సినిమాలోనూ న‌టిస్తుంది. ఇది కాకుండా ర‌కుల్ ప్రీత్ సింగ్ ఎఫ్ 45 జిమ్ ఓన‌ర్‌గా రాణిస్తుంది. అలాగే రీసెంట్‌గా హైదరాబాద్ రాకెట్స్ పేరుతో టెన్నిస్ టీమ్‌కు కూడా య‌జ‌మానురాలుగా కూడా జాయిన్ అయ్యింది. ఒక ప‌క్క సినిమాల‌తో, మ‌రో ప‌క్క వ్యాపారాల‌తో ర‌కుల్ ప్రీత్ సింగ్ బ్యాలెన్స్‌డ్‌గా రాణిస్తుంది.