రానా మూవీ కోసం స్టార్ హీరోలు..!
- IndiaGlitz, [Saturday,January 28 2017]
ద‌గ్గుబాటి రానా న‌టించిన తాజా చిత్రం ఘాజీ. ఈ చిత్రానికి సంక‌ల్ప్ ద‌ర్శ‌క‌త్వం వ‌హించారు. ఈ చిత్రంలో తాప్సీ, కె.కె.మీన‌న్, అతుల్ కుల‌క‌ర్ణి, నాజ‌ర్ ప్ర‌ధాన పాత్ర‌లు పోషించారు.
ఈ భారీ చిత్రాన్ని పి.వి.పి సంస్థ తెలుగు, త‌మిళ, హిందీ భాష‌ల్లో నిర్మించింది.1971 ఇండియా - పాకిస్థాన్ యుద్ధానికి ముందు జ‌రిగిన య‌ద్ధార్ధ సంఘ‌ట‌న ఆధారంగా ఈ చిత్రం రూపొందింది.ఈ చిత్రంలో రానా భార‌త జ‌లాంత‌ర్గామి ఆఫీస‌ర్స్ లో ముఖ్య‌మైన ఆఫీస‌ర్ పాత్ర‌లో క‌నిపిస్తాడు. ఇండియ‌న్ ఫ‌స్ట్ స‌బ్ మెరైన్ ఫిల్మ్ అయిన ఘాజీ చిత్రం ఫిబ్ర‌వ‌రి 17న ప్ర‌పంచ వ్యాప్తంగా ప్రేక్ష‌కుల ముందుకు వ‌చ్చేందుకు రెడీ అవుతుంది. అయితే...ఈ చిత్రం తెలుగు వెర్షెన్ కి చిరంజీవి, త‌మిళ చిత్రానికి సూర్య, హిందీ వెర్షెన్ కి అమితాబ్ బ‌చ్చ‌న్ వాయిస్ ఓవ‌ర్ ఇస్తుండ‌డం విశేషం.