హీరోలంటే సాధార‌ణ ప్రేక్ష‌కుల్లో ఓ క్రేజ్ ఉంటుంద‌నండంలో సందేహం లేదు. ఇక అగ్ర హీరోల గురించి, వారికున్న ఫ్యాన్ ఫాలోయింగ్ ప్ర‌త్యేకంగా చెప్ప‌న‌వ‌స‌రం లేదు. అయితే స్టార్ హీరోలు ఎక్కువ‌గా బ‌య‌ట‌కు రావ‌డానికి ఇష్ట‌ప‌డ‌రు. అందుకు కార‌ణం వారిని క‌లుసుకోవ‌డానికి అభిమానులు అత్యుత్సాహం చూపుతారు. రీసెంట్‌గా గాన గంధ‌ర్వుడు బాల‌సుబ్ర‌హ్మ‌ణ్యంకు నివాళి అర్పించ‌డానికి కోలీవుడ్ అగ్ర హీరోల్లో ఒక‌రైన విజ‌య్ వ‌చ్చారు. కార్య‌క్ర‌మం అయిపోయే వర‌కు ఉన్నారు. విజ‌య్ కార్య‌క్ర‌మం నుండి వెళ్లిపోయే స‌మ‌యంలో ఆయ‌న్ని కలుసుకోవ‌డానికి అభిమానులు అమితాస‌క్తి చూపారు. తోపులాట జ‌రిగింది.

అయితే పోలీసులు విజ‌య్‌ను కారు వ‌ద్ద‌కు తీసుకెళ్లారు. అలా తీసుకెళ్లే క్ర‌మంలో విజ‌య్ అక్క‌డ ప‌డిఉన్న ఓ చెప్పు తీసి స‌ద‌రు అభిమానికి అందించాడు. ఇప్పుడు ఈ వీడియో నెట్టింట తెగ హ‌ల్‌చ‌ల్ చేస్తుంది. ఓ అగ్ర హీరో అయ్యుండి ఓ అభిమాని చెప్పు తాక‌డం చాలా గొప్ప విష‌య‌మ‌ని త‌మిళ మీడియా విజ‌య్‌ను ఆకాశానికెత్తేస్తుంది. విజ‌య్ హీరోగా చేసిన మాస్ట‌ర్ సినిమా విడుద‌ల‌కు సిద్ధంగా ఉంది. మ‌రో వైపు ఎ.ఆర్‌.మురుగ‌దాస్ ద‌ర్శ‌క‌త్వంలో మ‌రో సినిమా చేయ‌డానికి విజ‌య్ సిద్ధ‌మ‌వుతున్నారు.