యువ హీరో నితిన్ నిర్మాత‌గా మారి అఖిల్ సినిమా నిర్మించారు. మెగా ప‌వ‌ర్ స్టార్ రామ్ చ‌ర‌ణ్ కూడా నిర్మాత‌గా మారి తండ్రి చిరుతో 150వ సినిమా నిర్మించ‌డానికి ప్లాన్ చేస్తున్నారు. వీరి బాట‌లో మ‌రో స్టార్ హీరో కూడా న‌డిచేందుకు రెడీ అవుతున్నాడు. ఇంత‌కీ ఆ స్టార్ హీరో ఎవ‌ర‌నుకుంటున్నారా..? ఆయ‌నే స్టైలీష్ స్టార్ అల్లు అర్జున్.

గీతా ఆర్ట్స్ స‌మ‌ర్ప‌ణ‌లో రూపొందిన భ‌లే భ‌లే మ‌గాడివోయ్ చిత్రం ఎంత‌టి ఘ‌న విజ‌యం సాధించిందో తెలిసిందే. ఈ చిత్రాన్ని ఇత‌ర భాష‌ల్లో గీతా ఆర్ట్స్ సంస్థే నిర్మిస్తుంది అనుకున్నారు. అయితే అల్లు అర్జున్ నిర్మాత‌గా మారి భ‌లే భ‌లే మ‌గాడివోయ్ మూవీని క‌న్న‌డ‌లో రీమేక్ చేస్తానంటున్నాడు. మ‌రి...హీరోగా స‌క్సెస్ అయిన బన్ని నిర్మాత‌గా స‌క్సెస్ అవుతాడో లేదో చూడాలి.