எஸ்.எஸ்.ராஜமவுலியுடன் இணைந்த சித்தார்த்
- IndiaGlitz, [Thursday,January 14 2016]
சுந்தர் சி இயக்கிய 'அரண்மனை 2' திரைப்படத்தில் நடித்து முடித்துள்ள சித்தார்த், தற்போது 'ஜில் ஜங் ஜக்' என்ற படத்தில் நடித்து வருகிறார். இந்த படத்தை அவரே தயாரித்து வரும் நிலையில் இந்த படத்தை அவர் பிப்ரவரி 12ஆம் தேதி ரிலீஸ் செய்யவுள்ளதாக கூறப்படுகிறது.
இந்நிலையில் இந்த படத்தின் டிரைலர் இன்று மாலை 6 மணிக்கு வெளியாகவுள்ளது. இந்த டிரைலரை இந்தியாவின் பிரமாண்டமான படத்தை இயக்கிய எஸ்.எஸ்.ராஜமெளலி வெளியிடவுள்ளார். இந்த தகவலை சித்தார்த் சற்று முன்னர் தனது சமூக வலைத்தள பக்கத்தில் அறிவித்துள்ளார்.
சித்தார்த், சனாத் ரெட்டி, அவினாஷ் ரகுதேவன் உள்ளிட்டபலர் நடித்துள்ள 'ஜில் ஜங் ஜக்' படத்தை தீரஜ் வைத்தி என்பவர் இயக்கியுள்ளார். இந்த படத்திற்கு விஷால் சந்திரசேகர் என்பவர் இசையமைத்துள்ளார் என்பது குறிப்பிடத்தக்கது.