రెండో స్థానంలో చేరిన తమన్
- IndiaGlitz, [Monday,February 26 2018]
యువ సంగీత సంచ‌ల‌నం తమన్.. మ‌రోసారి తెలుగు సినీ పరిశ్రమలో మోస్ట్ వాంటెడ్ మ్యూజిక్ డైరెక్టర్ అయిపోయారు. ఈ ఏడాది వ‌రుస విజ‌యాల‌తో, వైవిధ్యమైన సంగీతంతో ప్రేక్షకులను ఆకట్టుకుంటున్నారు ఈ స్వ‌ర‌కెర‌టం. నేపథ్య సంగీతమందించడంలో కూడా దిట్ట అయిన ఈ మ్యూజిక్ డైరెక్టర్.. ప్ర‌స్తుతం వ‌రుస అవ‌కాశాల‌తో బిజీగా ఉన్నారు. ఇదిలా ఉంటే.. ఓవర్సీస్‌లో వన్ మిలియన్ - టాప్ గ్రాసింగ్ తెలుగు ఫిలిమ్స్ క్లబ్ లో రాక్ స్టార్ దేవిశ్రీ ప్రసాద్ (13 సినిమాలు) మొద‌టి స్థానంలో ఉండగా.. ఆరు సినిమాలతో తమన్ రెండో స్థానంలో నిలిచారు.
తమన్ స్వరపరచిన చిత్రాల్లో దూకుడు' ($1.563), ఆగడు' ($1.482), రేసుగుర్రం'($1.395), బాద్ షా'($1.279), భాగమతి'($1.099), తొలిప్రేమ'($1.000) వన్ మిలియన్ క్లబ్‌లో స్థానం సంపాదించుకున్నాయి. 2018లో.. ఇప్ప‌టివ‌ర‌కు తమన్ సంగీత సారధ్యంలో విడుదలైన నాలుగు చిత్రాల్లో రెండు చిత్రాలు (భాగమతి', తొలిప్రేమ') ఈ క్లబ్‌లో స్థానం సంపాదించుకోవడం విశేషం. అలాగే అనూప్ రూబెన్స్ 4 సినిమాలతో మూడో స్థానంలో ఉండగా.. మిక్కీ జె.మేయర్, గోపి సుందర్, కీరవాణి చెరో 3 సినిమాలతో తర్వాత స్థానాల్లో ఉన్నారు.