రాజమౌళికి అరుదెన ఆహ్వానం
- IndiaGlitz, [Wednesday,March 28 2018]
'బాహుబలి' సినిమా ప్రపంచవ్యాప్తంగా తెలుగు సినిమా స్థాయిని పెంచిన దర్శకుడు ఎస్.ఎస్.రాజమౌళి. ఈ సినిమా మేకింగ్ రాజమౌళి అండ్ టీంకి ఎనలేని పేరు ప్రఖ్యాతులను తెచ్చిపెట్టింది. ఇటీవల పలు అవార్డులను సొంతం చేసుకున్న 'బాహుబలి' దర్శకుడు రాజమౌళికి అరుదైన ఆహ్వానం లభించింది.
కరాచీలో నిర్వహించబోయే పాకిస్థాన్ ఇంటర్నేషనల్ ఫిలిం ఫెస్టివల్లో పాల్గొనవలసిందిగా రాజమౌళికి పిలుపు వచ్చింది. ఈ విషయాన్ని ఆయన సోషల్ మీడియాలో అభిమానులతో పంచుకున్నారు.
'బాహుబలి' నాకు ఎన్నో దేశాలను సందర్శించే అవకాశాన్ని ఇచ్చింది. వాటన్నింటిలో ఇప్పుడు పాకిస్థాన్ నుంచి వచ్చిన ఆహ్వానం స్పెషల్. నన్ను ఆహ్వానించిన పాకిస్థాన్ ఫిలింఫెస్టివల్ నిర్వాహకులకు ధన్యవాదాలు అంటూ రాజమౌళి పోస్ట్ చేశారు.