నానికి రాజమౌళి ప్రశంస...
- IndiaGlitz, [Sunday,June 18 2017]
బాహుబలి స‌క్సెస్‌తో నేష‌న‌ల్ టాప్ డైరెక్ట‌ర్స్‌లో ఒక‌డిగా నిలిచాడు ఎస్.ఎస్.రాజమౌళి. ఇప్పుడు త‌దుప‌రి సినిమా గురించి క‌స‌ర‌త్తులు చేస్తున్నాడు. నానితో గ‌తంలో రాజమౌళి ఈగ సినిమా చేశాడు. అప్ప‌టి నుండి రాజ‌మౌళికి, నానికి మ‌ధ్య మంచి స్నేహ బంధం ఉంది. హీరోగా స‌క్సెస్‌లు మీద స‌క్సెస్‌ల‌ను సాధిస్తున్న నాని ఇప్పుడు శివ నిర్వాణ ద‌ర్శ‌క‌త్వంలో 'నిన్ను కోరి' సినిమా చేస్తున్నాడు. ఈ సినిమా జూలై 14న విడుద‌ల కానుంది.
నిన్న సినిమా ట్రైల‌ర్ విడుద‌లై హ్యుజ్ రెస్పాన్స్‌ను రాబ‌ట్టుకుంది. ట్రైల‌ర్ చాలా బావుంది, తొలిరోజు తొలి ఆట‌నే చూడాల‌నుకుంటున్నానంటూ రాజమౌళి ట్విట్ట‌ర్‌లో పోస్ట్ చేశాడు. సినిమా నిర్మాత‌ల్లో ఒక‌రైన కోన‌వెంక‌ట్ త‌న సంతోషాన్ని వ్య‌క్త‌ప‌రిచాడు. ట్వీట్‌తో టీంకు స‌రికొత్త ఎన‌ర్జి ఇచ్చావ‌ని రాజ‌మౌళికి థాంక్స్ తెలిపాడు.