అల్లు అరవింద్ తో మనస్పర్ధలు పై నోరు విప్పిన దర్శకధీరుడు
- IndiaGlitz, [Monday,May 29 2017]
ఇప్పుడు 'బాహుబ‌లి-2' సినిమాతో ఇండియ‌న్ స్టార్ డైరెక్టర్ హోదా తెచ్చుకున్నాడు మ‌న టాలీవుడ్ డైరెక్టర్, ద‌ర్శ‌క ధీరుడు ఎస్‌.ఎస్‌.రాజ‌మౌళి. మెగాప‌వ‌ర్‌స్టార్ రాంచ‌ర‌ణ్ హీరోగా అల్లు అరవింద్ 'మ‌గ‌ధీర' చిత్రాన్ని నిర్మించాడు. అప్ప‌ట్లో బాక్సాఫీస్ రికార్డుల‌ను మ‌గ‌ధీర తిర‌గ‌రాసింది. మ‌గ‌దీర విషయంలో రాంచ‌ర‌ణ్‌కే ఎక్కువ క్రెడిట్ క‌ట్ట‌బెట్టార‌ని నిర్మాత అర‌వింద్‌పై రాజ‌మౌళి అలిగాడ‌ని అప్ప‌ట్లో వార్త‌లు వ‌చ్చాయి.
ఇదే విష‌యాన్ని రాజ‌మౌళిని ఇటీవ‌ల ఓ ఇంట‌ర్వ్యూలో అడ‌గ్గా, అల్లు అరవింద్‌కు, త‌న‌కు మ‌ధ్య మనస్పర్ధలు వచ్చిన విష‌యం నిజ‌మేన‌ని అయితే అది రాంచ‌ర‌ణ్‌కు క్రెడిట్ క‌ట్ట‌బెట్టార‌ని అంద‌రూ అనుకుంటున్న‌ట్లు కాద‌ని, నిజానికి ఆ విషయంలో అరవింద్ త‌న‌కు క్రెడిబిలిటీ ఎక్కువే ఇచ్చాడ‌ని రాజ‌మౌళి చెప్పారు. అయితే ఆరోజుల్లో వంద‌రోజులు పోస్ట‌ర్స్‌ను విడుద‌ల చేస్తున్న‌ప్పుడు సెంట‌ర్స్ విషయంలో నిక్క‌చ్చిగా ఉండాల‌ని అర‌వింద్‌గారికి చెప్పినా, ముందు స‌రేన‌ని తర్వాత ఎక్కువ సెంట‌ర్స్‌ను వేశార‌ట. అదేంట‌ని అడిగితే ఫ్యాన్స్‌కోసం త‌ప్ప‌ద‌ని ఆయ‌న అన్నార‌ట. దాంతో వంద రోజుల వేడుక‌కు నేను రాన‌ని రాజ‌మౌళి అన్నార‌ట. అన్న‌ట్లుగానే రాజ‌మౌళి మ‌గ‌ధీర వంద రోజుల వేడుక‌కు వెళ్ళ‌లేదు.