ఇప్పుడు తెలుగు సినిమా రేంజ్ మారిపోయింది. ముఖ్యంగా రాజ‌మౌళి నెక్ట్స్ సినిమా ఏం చేస్తాడోన‌ని అంద‌రూ ఆస‌క్తిగా ఎదురుచూస్తున్నారు. ఒక‌ప్పుడు టాలీవుడ్ మాత్ర‌మే ఎదురుచూసేది. కానీ ఇప్పుడు ఇండియా మొత్తం అతృత‌గా ఎదురుచూస్తుంది. అయితే రాజ‌మౌళి ఎక్క‌డ నోరు మెద‌ప‌డం లేదు. అయితే విశ్వ‌స‌నీయ వ‌ర్గాల స‌మాచారం ప్ర‌కారం రాజ‌మౌళి త‌న త‌దుప‌రి చిత్రాన్ని యంగ్ టైగ‌ర్ ఎన్టీఆర్‌తో చేయాల‌నుకుంటున్నాడ‌ట‌. అయితే మ‌రోవైపు ఎన్టీఆర్, త్రివిక్ర‌మ్ సినిమా కూడా ట్రాక్ ఎక్కే ప‌నిలో ఉంది.

క‌థ‌ను విజ‌యేంద్ర ప్ర‌సాద్ సిద్ధం చేస్తున్నాడ‌ట‌. అల్రెడి రాజ‌మౌళి, ఎన్టీఆర్ కాంబినేషన్‌లో స్టూడెంట్ నెం.1, సింహాద్రి, య‌మ‌దొంగ చిత్రాలు రూపొంది సూప‌ర్‌డూపర్ హిట్ సాధించాయి. ఇప్పుడు వీరి కాంబినేష‌న్‌లో మ‌రో సినిమా అంటే సినిమా భారీ అంచ‌నాలు నెల‌కొన‌డం ఖాయం. ఇప్ప‌టి నుండే సినిమాపై భారీ అంచ‌నాలు రూపొందడం సినిమాపై ప్ర‌తికూల ప్ర‌భావం చూపే అవ‌కాశాలున్నాయి. కాబ‌ట్టి వివ‌రాల‌ను బ‌య‌ట‌కు పొక్క‌కుండా జాగ్ర‌త్త‌ప‌డుతున్నారు.