మ‌రోసారి అదే బ్యాక్‌డ్రాప్‌లో రాజ‌మౌళి
- IndiaGlitz, [Wednesday,July 18 2018]
పీరియాడిక్ బ్యాక్‌డ్రాప్‌లో 'మ‌గ‌ధీర' సినిమాతో స‌క్సెస్ అందుకున్న ద‌ర్శ‌కుడు రాజ‌మౌళి ఇప్పుడు మ‌రోసారి అలాంటి పీరియాడిక్ బ్యాక్‌డ్రాప్‌తోనే సినిమా చేయ‌బోతున్నాడ‌ని వార్త‌లు వ‌స్తున్నాయి. బాహుబ‌లి వంటి విజువ‌ల్ వండ‌ర్ త‌ర్వాత రాజ‌మౌళి ఎలాంటి సినిమా చేస్తాడోన‌ని అంద‌రూ ఆస‌క్తిగా ఎదురుచూస్తున్న త‌రుణంలో రాజ‌మౌళి ఎన్టీఆర్‌, రామ్‌చ‌ర‌ణ్‌ల‌తో ప్రాజెక్ట్‌ని అనౌన్స్ చేశాడు.
ప్ర‌స్తుతం ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. హైద‌రాబాద్ అల్యూమినియం ఫ్యాక్ట‌రీలో ఓ భారీ సెట్‌లో సినిమా న‌వంబ‌ర్‌లో స్టార్ట్ కానుంది. ఈ సినిమాలో 1947 బ్రిటీష్ కాల‌పు నాటి ప‌రిస్థితులు.. అప్ప‌టి పోరాటం అనే కాన్సెప్ట్ కూడా ఉంటుంద‌ని టాక్‌. మ‌రి సినిమా మొత్తం ఇలాగే ఉంటుందా? లేదా పాక్షికంగా ఈ బ్యాక్‌డ్రాప్ ఉంటుందా? అని తెలియాలంటే వేచి చూడాల్సిందే...