ஆக்சன் கிங் அர்ஜுன் மீது பிரபல நடிகை ஒருவர் சுமத்திய பாலியல் குற்றச்சாட்டு குறித்த வழக்கின் தீர்ப்பு தற்போது வெளிவந்துள்ளதால் பெரும் பரபரப்பை ஏற்படுத்தி உள்ளது.

நடிகர் அர்ஜுன் நடித்த ’நிபுணன்’ என்ற திரைப்படத்தில் அவருக்கு ஜோடியாக நடித்தவர் ஸ்ருதி ஹரிஹரன். இந்த படத்தின் படப்பிடிப்பின்போது அர்ஜுன் தன்னிடம் தகாத முறையில் நடந்ததாக ஸ்ருதி ஹரிஹரன் புகார் அளித்திருந்தார். இந்த புகாரின் அடிப்படையில் அர்ஜுன் மீது 4 பிரிவுகளில் பெங்களூர் போலீசார் வழக்கு பதிவு செய்து விசாரணை செய்து வந்தனர் என்பது குறிப்பிடத்தக்கது.

இந்த நிலையில் தன்மீது அபாண்டமாக பழி சுமத்தியதாக நடிகை ஸ்ருதி ஹரிஹரன் மீது அர்ஜுனனும் மனு தாக்கல் செய்திருந்தார் என்பது குறிப்பிடத்தக்கது. இந்த நிலையில் இந்த வழக்கு நீதிமன்றத்தில் விசாரணை செய்யப்பட்ட நிலையில் இந்த வழக்கின் தீர்ப்பு தற்போது வெளியாகி உள்ளது.

அதில் நடிகை ஸ்ருதி ஹரிஹரன் குற்றச்சாட்டுக்கு எந்தவித ஆதாரமும் இல்லை என்று கூறி அர்ஜுன் இந்த வழக்கில் இருந்து விடுவிக்கப்படுவதாக அறிவிக்கப்பட்டுள்ளது. இந்த தீர்ப்பு பெரும் பரபரப்பை ஏற்படுத்தியுள்ளது என்பது குறிபிடத்தக்கது.