சூப்பர் ஸ்டார் ரஜினிகாந்த் வெகுவிரைவில் அரசியலுக்கு வருவார் என்று எதிர்பார்க்கப்படும் நிலையில் அவரது அரசியல் வருகை குறித்து பலர் பலவிதமாக கருத்து கூறி வருகின்றனர். ஒருசிலர் அவர் அரசியலுக்கு வரலாம் என்றும் ஒருசிலர் அவர் அரசியலுக்கு வரக்கூடாது என்றும் கூறி வருகின்றனர். பெரும்பாலான கோலிவுட் திரையுலக பிரபலங்கள் ரஜினிகாந்த் அரசியலுக்கு வருவதை வரவேற்றுள்ளனர்.

இந்த நிலையில் பாலிவுட் சூப்பர் ஸ்டார் ஷாருக்கானிடம் ரஜினியின் அரசியல் வருகை குறித்து கேட்கப்பட்டது. இதற்கு பதிலளித்த ஷாருக்கான், 'ரஜினிகாந்த் அரசியலுக்கு வருவது அபாரமான முடிவு என்று கூறினார். மேலும் ஒரு குறிப்பிட்ட சமூகத்திற்கோ, மாநிலத்திற்கோ, நாட்டிற்கோ தன்னலமற்ற தொண்டு செய்பவர் மட்டுமே அரசியலுக்கு வருவது பொருத்தமாக இருக்கும் என்றும் ஷாருக்கான் தெரிவித்தார்.

மேலும் தனக்கு அரசியலுக்கான தகுதி இல்லை என்றும் எந்த அரசியல் கட்சிக்கும் பிரச்சாரம் செய்ய தான் தயார் இல்லை என்றும் கூறினார்.