கடந்த சில மாதங்களாக தெலுங்கு திரையுலகில் வீசிவந்த நடிகை ஸ்ரீரெட்டியின் பாலியல் புயல் தற்போது கோலிவுட்டை நோக்கி மையம் கொண்டுள்ளது. முதலில் முருகதாஸ், பின்னர் ஸ்ரீகாந்த் அடுத்ததாக ராகவா லாரன்ஸ் என அவருடைய குற்றச்சாட்டுக்கு ஆளாகும் லிஸ்ட் நீண்டு கொண்டே வருகிறது.. அடுத்தது யாராக இருக்கும் என்பதே கோலிவுட் திரையுலகினர்களின் அச்சமாக உள்ளது.

இந்த நிலையில் சற்றுமுன் ஸ்ரீரெட்டி தனது சமூக வலைத்தள பக்கத்தில் 'விஷால் தன்னை மிரட்டுவதாக உணர்வதாகவும், ஆனாலும் கோலிவுட் திரையுலகின் இருட்டு பக்க ரகசியங்களை வெளியிடாமல் விடமாட்டேன் என்றும் கூறியுள்ளார். 

நடிகை ஸ்ரீரெட்டி ஆதாரங்கள் இல்லாமல் கோலிவுட் திரையுலகினர் மீது குற்றஞ்சாட்டி வருவதை தடுக்க விஷால் நடவடிக்கை எடுக்க முன்வந்துள்ளதைத்தான் ஸ்ரீரெட்டி இந்த பதிவில் சுட்டிக்காட்டியுள்ளதாக கூறப்படுகிறது. இதற்கு விஷால் ஒரு முற்றுப்புள்ளி வைப்பாரா? என்பதை பொறுத்திருந்து பார்ப்போம்