கோலிவுட் மற்றும் டோலிவுட் பிரபலங்கள் பலர் மீது பாலியல் புகார் கூறிய நடிகை ஸ்ரீரெட்டி தனக்கு பாலியல் தொந்தரவு கொடுத்த பலருடைய முகத்திரையை கிழிக்கும் வகையில் தன்னிடம் இருக்கும் ஆதாரங்களை விரைவில் வெளியிடவுள்ளதாக கூறியுள்ளார். இதனால் திரையுலகினர் ஒருசிலர் அதிர்ச்சியில் உள்ளனர்.

இந்த நிலையில் ஸ்ரீரெட்டியின் வாழ்க்கையில் நடந்த பரபரப்பான சம்பவங்கள் அடங்கிய திரைப்படம் ஒன்று தயாராகி வருகிறது. 'ரெட்டி டைரி என்ற டைட்டிலில் உருவாகி வரும் இந்த படத்தை டாக்டர் அலாவுதீன் இயக்கி வருகிறார். இந்த படத்தில் ஸ்ரீரெட்டியுடன் பல புதுமுகங்கள் நடித்து வருகின்றனர்.

திரைத்துறையில் உள்ள பெண்களுக்கு ஏற்படும் பாலியல் பிரச்சனைகள், அந்த பிரச்சனைகளுக்கு எதிராக வெகுண்டு எழுந்த ஒரு பெண்ணின் போராட்டம் தான் இந்த படத்தின் கதை என்று கூறப்படுகிறது. தமிழ், தெலுங்கில் உருவாகி வரும் இந்த படம் விரைவில் வெளியாகவுள்ளது.