అల్లు శిరీష్ - లావ‌ణ్య త్రిపాఠి జంట‌గా ప‌రుశురామ్ తెర‌కెక్కించిన చిత్రం శ్రీర‌స్తు శుభ‌మ‌స్తు. గీతా ఆర్ట్స్ బ్యాన‌ర్ పై అల్లు అర‌వింద్ ఈ చిత్రాన్ని నిర్మించారు. ఆగ‌ష్టు 5న శ్రీర‌స్తు శుభ‌మ‌స్తు ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ సంద‌ర్భంగా ట్రైల‌ర్ రిలీజ్ చేసారు. టీజ‌ర్ తోనే ఆక‌ట్టుకున్న శ్రీర‌స్తు శుభ‌మ‌స్తు ట్రైల‌ర్ తో మ‌రింత‌గా ఆక‌ట్టుకుంది.ఈ ట్రైల‌ర్ లో

ఎంట‌ర్ టైన్మెంట్, సెంటిమెంట్, యాక్ష‌న్...ఇలా ఆల్ ఎలిమెంట్స్ సూప‌ర్ అనేలా ఉన్నాయి. శిరీష్ త‌న గ‌త చిత్రాల‌కు పూర్తి భిన్నంగా డిఫ‌రెంట్ లుక్ & బాడీలాంగ్వేజ్ తో మెచ్యూర్డ్ గా కనిపించాడు. ఇక లావ‌ణ్య త్రిపాఠి అయితే...హీరో శిరీష్ ని ఓసారి అన్న‌య్య అంటూ....మ‌రోసారి త‌మ్ముడు అంటూ తెగ ఆట‌పట్టించింది.

సోలో చిత్రాన్ని ఎంత అద్భుతంగా తెర‌కెక్కించాడో...ట్రైల‌ర్ ను చూస్తుంటే ఈ చిత్రాన్ని కూడా అంతే అద్భుతంగా తెర‌కెక్కించాడు అనిపిస్తుంది. ప‌రుశురామ్ త‌న గ‌త చిత్రాల్లో ప్రేమ‌ను స‌రికొత్త‌గా చూపించాడు. ఈ చిత్రంలో కూడా ప్రేమ‌ను యూత్ ను ఆక‌ట్టుకునేలా డిఫరెంట్ గా చూపించాడు అని తెలుస్తుంది. దీనికి త‌గ్గ‌ట్టు త‌మ‌న్ మ్యూజిక్ కూడా చాలా రోజుల త‌ర్వాత కొత్త‌గా అనిపించింది. ఇక ట్రైల‌ర్ చివ‌ర‌ల్లో శిరీష్...మేడ‌మ్ నేనే బ్లాక్ మెయిల్ చేయాల‌నుకుంటే మీ ద‌గ్గ‌ర్నుంచి చాలా అడ‌గ్గాల‌ను అంటూ లావ‌ణ్యని పై నుంచి కింద వ‌ర‌కు చూసే సీన్ యూత్ కు బాగా క‌నెక్ట్ అవుతుంది. మొత్తానికి ఈ ట్రైల‌ర్ చూస్తుంటే.. ప‌రుశురామ్ నుంచి వ‌స్తున్న ఫ్యామిలీ ఎంట‌ర్ టైన‌ర్ శ్రీర‌స్తు శుభ‌మ‌స్తు విజ‌యం సాధించ‌డం ఖాయం అనిపిస్తుంది.