యాంకర్ తో రైటర్...
- IndiaGlitz, [Friday,January 13 2017]
మనం స‌హా ప‌లు విజ‌య‌వంత‌మైన చిత్రాల‌కు ర‌చ‌యిత‌గా వ‌ర్క్ చేసిన హర్ష‌వ‌ర్ధ‌న ఇప్పుడు ద‌ర్శ‌క‌త్వం చేయ‌బోతున్న సంగ‌తి తెలిసిందే. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు వేగ‌వంత‌మ‌య్యాయి. సినిమా చూపిస్త మావా నిర్మాత‌ల్లో ఒక‌రైన అంజిరెడ్డి ఈ చిత్రాన్ని నిర్మించ‌నున్నారు. హ‌ర్ష‌వ‌ర్ధ‌న్ డెబ్యూ డైరెక్ష‌న్ మూవీ రొమాంటిక్ థ్రిల్ల‌ర్ నేప‌థ్యంలో తెరకెక్క‌నుంద‌ట.
ఒక‌వైపు యాంక‌రింగ్‌, మ‌రోవైపు సినిమాలతో బిజీగా ఉన్న శ్రీముఖి ఈ చిత్రంలో లీడ్ రోల్ చేస్తుంద‌ట. త్వ‌ర‌లోనే అధికార‌క స‌మాచారం రానుంది. అన‌సూయ, ర‌ష్మీ గౌతమ్ స్టైల్లో శ్రీముఖి కూడా సినిమాల్లో రాణిస్తున్న సంగ‌తి తెలిసిందే. ఈ చిత్రంలో శ్రీముఖి పాత్ర విభిన్నంగా ఉంటుంద‌ట.