బుల్లితెర‌, వెండితెర‌కు ఒక‌ప్పుడు దూరం ఎక్కువ‌గా ఉండేది. వెండితెర‌పై డీగ్లామ‌ర్ అయిన వారే బుల్లి తెర‌పై క‌నిపించ‌డానికి ఆస‌క్తి చూపేవారు. బుల్లితెర న‌టీన‌టుల‌కు సినిమాల్లో పెద్ద‌గా అవ‌కాశాలు వ‌చ్చేవి కావు. కానీ ఇప్పుడు ప‌రిస్థితి మారింది. మ‌న తెలుగు విష‌యానికి వ‌స్తే అన‌సూయ‌, ర‌ష్మి గౌత‌మ్ వంటి బుల్లితెర వ్యాఖ్యాత‌లు ఇప్పుడు వెండితెర‌పై త‌మ‌కంటూ ప్ర‌త్యేక‌త‌ను సంపాదించుకున్నారు. అవ‌కాశాల‌ను అందిపుచ్చుకుంటున్నారు. అయితే బుల్లితెర‌పై మంచి క్రేజ్‌ను సంపాదించుకున్న శ్రీముఖి మాత్రం ‘జులాయి’లో న‌టించినా త‌ర్వాత సినిమాల‌కు దూర‌మైంది.

అసలు తానెందుకు సినిమాల్లో నటించడం లేదు అనే విషయంపై శ్రీముఖి రీసెంట్ ఇంట‌ర్వ్యూలో స‌మాధానం చెప్పింది. త‌న తండ్రికి తాను సినిమాల్లో న‌టించ‌డం ఇష్టం లేద‌ని చెప్పిన శ్రీముఖి జులాయిలో న‌టించేట‌ప్పుడు ఇదే ఫ‌స్ట్ అండ్ లాస్ట్ మూవీ అని శ్రీముఖికి ఆమె తండ్రి చెప్పాడ‌ట‌. అదే స‌మ‌యంలో త్రివిక్ర‌మ్ సెల‌క్టివ్‌గా పాత్ర‌ల‌ను ఎంచుకుని సినిమాల్లో న‌టిస్తే బావుంటుంద‌ని స‌ల‌హా ఇచ్చార‌ట‌. స‌రే! అనుకుని సినిమాల్లో అవ‌కాశాల‌కు ప్ర‌య‌త్నాలు చేస్తే కొంద‌రు ద‌ర్శ‌కులు, నిర్మాత‌లు ఎక్స్‌పోజింగ్ చేయాల‌ని, లిప్‌లాక్స్ చేయాల‌ని అన్నార‌ట‌. అందుకు శ్రీముఖి స‌సేమిరా! అని చెప్పేసి.. సినిమాల‌కు దూరంగా ఉండాల‌ని నిర్ణ‌యించుకుంద‌ట‌. అందుకునే శ్రీముఖి వెండితెర కంటే బుల్లి తెర‌కే ప‌రిమిత‌మైంది.