చంద్రిక అందర్నీ అలరిస్తుంది : కథానాయకి శ్రీముఖి
- IndiaGlitz, [Friday,September 25 2015]
ఫ్లయింగ్ వీల్స్ పతాకంపై వి.ఆశ నిర్మాణ సారధ్యంలో రూపొందిన వైవిధ్యమైన హారర్ చిత్రం "చంద్రిక". సాజిద్ ఖురేషి కథ-స్క్రీన్ ప్లే సమకూర్చిన ఈ చిత్రానికి యోగేష్ దర్శకుడు. ఇవాళ (సెప్టెంబర్ 25) "చంద్రిక" ప్రేక్షకుల ముందుకు వచ్చింది. విడుదలైన అన్ని థియేటర్లలో చిత్రానికి మంచి స్పందన లభిస్తుండడంతో చిత్ర కథానాయికలలో ఒకరైన శ్రీముఖి మీడియాతో తన సంతోషాన్ని పంచుకొన్నారు.
ఈ సందర్భంగా శ్రీముఖి మాట్లాడుతూ... "ఇప్పటివరకూజులాయి, ప్రేమ ఇష్క్ కాదల్" వంటి చిత్రాల్లో నటించిన నాకు "చంద్రిక" చిత్రంలోనటనకు ప్రాధాన్యత ఉన్న పాత్రలో నటించే అవకాశం లభించడం సంతోషంగా ఉంది. చిత్రీకరణ కోసం చాలా కష్టపడ్డాం. మా కెమెరామెన్ రాజేందర్ ఈ చిత్రంలో నన్ను చాలా అందంగా చూపించారు. యోగేష్ దర్శకత్వ ప్రతిభ, సాజిద్ ఖురేషిగారు అందించిన కథ-స్క్రీన్ ప్లే "చంద్రిక" చిత్రానికి మెయిన్ హైలైట్స్ గా నిలిచాయి. నిన్న ఈ సినిమా కన్నడలో విడుదలై.. మంచి టాక్ సొంతం చేసుకొంది. తెలుగు ప్రేక్షకులు కూడా మా చిత్రాన్ని ఆదరిస్తారని ఆశిస్తున్నాను" అన్నారు.