శ్రీమంతుడు అర్థ‌శ‌త దినోత్స‌వం
- IndiaGlitz, [Friday,September 25 2015]
సూప‌ర్ స్టార్ మహేష్ హీరోగా కొర‌టాల శివ ద‌ర్శ‌క‌త్వంలో రూపొందిన సంచ‌ల‌న చిత్రం శ్రీమంతుడు. ఊరును ద‌త్త‌త తీసుకోవ‌డం అనే కాన్సెప్ట్ తో వ‌చ్చిన శ్రీమంతుడు చిత్రం అన్నివ‌ర్గాల ప్రేక్ష‌కుల‌ను అల‌రించి సెన్సేష‌న్ క్రియేట్ చేసింది. సామాన్య ప్రేక్ష‌కుల‌నే కాదు...సినీ,రాజ‌కీయ నాయ‌కుల‌ను సైతం శ్రీమంతుడు చిత్రం ఎంత‌గానో ఆక‌ట్టుకుంది. వ‌న్ నేనొక్క‌డినే, ఆగ‌డు..చిత్రాలు ఆంచ‌నాల‌ను అందుకోలేక‌పోయాయి. ఈసారి ఖ‌చ్చితంగా హిట్ కావాలి అనుకుంటున్న టైంలో మహేష్...ఊరును ద‌త్త‌త తీసుకోవ‌డ‌మ‌నే సందేశాత్మ‌క చిత్రాన్ని చేయ‌డం నిజంగా సాహ‌స‌మే అని చెప్పాలి.
అయితే మంచి చిత్రాన్ని తీస్తే...ప్రేక్ష‌కుల ఆద‌ర‌ణ ఖ‌చ్చితంగా ఉంటుంద‌ని మ‌రోసారి నిరూపించింది శ్రీమంతుడు సినిమా.ఆగ‌ష్టు 7న రిలీజైన శ్రీమంతుడు చిత్రం నేటికి స‌క్సెస్ ఫుల్ గా 50 రోజులు పూర్తి చేసుకుంది.స్టార్ హీరోల సినిమాలు సైతం రెండు, మూడు వారాల‌కే ప‌రిమిత‌మైన ప్రెజెంట్ ట్రెండ్ లో మహేష్ శ్రీమంతుడు చిత్రం 185 సెంట‌ర్స్ లో అర్థ‌శ‌త‌దినోత్స‌వం జ‌రుపుకోవ‌డం నిజంగా ఆనందించాల్సిన విష‌యం.