தளபதி விஜய்க்கு தமிழகத்தில் இருக்கும் ரசிகர்களின் எண்ணிக்கை குறித்து யாருக்கும் விளக்க வேண்டிய அவசியம் இல்லை. விஜய்யின் படங்கள் வெளியாகும் தினம் ஒரு திருவிழா தினமாக மாறுவதில் இருந்தே தமிழக ரசிகர்களின் எண்ணிக்கையை தெரிந்து கொள்ளலாம்.

இந்த நிலையில் கடந்த சில வருடங்களாகவே கேரளா விஜய்யின் கோட்டையாக விளங்கி வருகிறது. கேரள முன்னணி நடிகர்களின் படங்களுக்கு இணையாக விஜய் படங்களுக்கு ஒப்பனிங் கேரளாவில் கிடைத்து வருகிறது. அதுமட்டுமின்றி அங்கிருக்கும் விஜய் ரசிகர்கள் தமிழக ரசிகர்கள் போலவே பேனர், கட்-அவுட் வைத்து அசத்தி வருகின்றனர்.

இந்த நிலையில் கேரளாவை அடுத்து தற்போது இலங்கையும் விஜய்யின் இன்னொரு கோட்டையாக மாறி வருகிறது. விண்ணை முட்டும் கட்-அவுட்டுக்கள் மெர்சல் ரிலீஸ் தினத்தில் இலங்கையின் பல திரையரங்குகளில் வைக்கப்பட்டு 'மெர்சலான தீபாவளி கொண்டாட்டப்பட்டது என்பது குறிப்பிடத்தக்கது.