’ரோஜா கூட்டம்’ என்ற திரைப்படத்தில் அறிமுகமாகி அதன் பின்னர் ’ஏப்ரல் மாதத்தில்’ ’போஸ்’ ‘கனா கண்டேன்’ ’மெர்குரி பூக்கள்’ உள்ளிட்ட பல திரைப்படங்களில் நடித்தவர் ஸ்ரீகாந்த். தளபதி விஜய்யுடன் ’நண்பன்’ என்ற படத்திலும் இவர் நடித்துள்ளார் என்பது குறிப்பிடத்தக்கது.

இந்த நிலையில் தற்போது நடிகர் ஸ்ரீகாந்த் ஏற்கனவே ஓரிரு படங்களில் நடித்து வரும் நிலையில் புதிதாக ஒரு படத்தில் நடிக்க ஒப்பந்தமாகியுள்ளார். இந்த படத்தின் டைட்டில் இன்று அறிவிக்கபடுவதாக ஏற்கனவே அறிவிக்கப்பட்டுள்ள நிலையில் சற்று முன் இந்த படத்திற்கு ’எக்கோ’ என்ற டைட்டில் அறிவிக்கப்பட்டுள்ளது. நவீன் கணேஷ் என்பவர் இயக்கும் இந்த படத்தில் நாயகியாக வித்யா பிரதீப் நடிக்கவுள்ளார். இவர் ஏற்கனவே அருண் விஜய் நடித்த ’தடம்’ என்ற படத்தில் போலீஸ் கேரக்டரில் நடித்து அனைவரின் பாராட்டுக்களை பெற்றவர் என்பது குறிப்பிடதக்கது.

இது ஒரு கிரைம் சப்ஜெக்ட் கதையம்சம் கொண்ட திரைப்படம் என்றும், இந்த படத்தின் படப்பிடிப்பு லாக்டவுன் முடிந்தவுடன் தொடங்கும் என்றும் தெரிவிக்கப்பட்டுள்ளது. தற்போது வெளியாகியுள்ள இந்த படத்தின் டைட்டில் போஸ்டர் இணையதளங்களில் வைரலாகி வருகிறது என்பது குறிப்பிடத்தக்கது.