நடிகை ஸ்ரீதேவி விஜயகுமாருக்கு இவ்வளவு பெரிய மகளா? சுவிஸில் பிறந்த நாள் கொண்டாட்டம்!
- IndiaGlitz, [Tuesday,July 26 2022]
பிரபல குணச்சித்திர நடிகர் விஜயகுமாரின் மகள் ஸ்ரீதேவி தனது மகளின் பிறந்தநாளை சுவிட்சர்லாந்தில் கொண்டாடிய புகைப்படங்களை பதிவு செய்துள்ள நிலையில் அந்த புகைப்படங்களை பார்த்த ரசிகர்கள் ஸ்ரீதேவிக்கு இவ்வளவு பெரிய மகளா? என ஆச்சரியத்துடன் அந்த புகைப்படங்களை ரசித்து வருகின்றனர்.
கடந்த 1992ஆம் ஆண்டு சத்யராஜ் நடித்த ’ரிக்சா மாமா’ என்ற படத்தின் மூலம் குழந்தை நட்சத்திரமாக அறிமுகமானவர் விஜயகுமாரின் மகள் ஸ்ரீதேவி. அதன் பிறகு பாக்யராஜின் ’அம்மா வந்தாச்சு’ உட்பட ஒரு சில படங்களில் நடித்தவர் ’காதல் வைரஸ்’ என்ற திரைப்படத்தின் மூலம் நாயகியானார்.
மாதவனுடன் ‘பிரியமான தோழி’ ஜீவாவுடன் ’தித்திக்குதே’ தனுஷுடன் ’தேவதையை கண்டேன்’ உள்பட ஸ்ரீதேவி பல தமிழ் படங்களில் அவர் நடித்தார். இந்த நிலையில் நடிகை ஸ்ரீதேவி கடந்த 2009ஆம் ஆண்டு ராகுல் என்பவரை திருமணம் செய்து கொண்டார். இவருக்கு ரூபிகா என்ற பெண் குழந்தை உள்ளது.
இந்த நிலையில் தற்போது ஆறு வயதாக இருக்கும் ரூபிகாவின் பிறந்த நாளை தனது கணவர் மற்றும் மகளுடன் சுவிட்சர்லாந்தில் ஸ்ரீதேவி கொண்டாடியுள்ளார். இது குறித்த புகைப்படங்களை அவர் தனது சமூக வலைத்தளத்தில் பதிவு செய்துள்ள நிலையில் இந்த புகைப்படங்களை பார்த்த ரசிகர்கள் ஸ்ரீதேவிக்கு இவ்வளவு பெரிய மகளா? என ஆச்சரியத்துடன் கமெண்ட் செய்து வருகின்றனர். மேலும் சுவிட்சர்லாந்தில் ஸ்ரீதேவி தனது கணவருடன் சேர்ந்து எடுத்த ரொமான்ஸ் புகைப்படங்களையும் பதிவு செய்துள்ளார் என்பதும் இந்த புகைப்படங்களுக்கு லைக்ச் குவிந்து வருகிறது என்பதும் குறிப்பிடத்தக்கது