நடிகை ஸ்ரீதேவி: துபாயில் மரணம், மும்பையில் தகனம், தமிழகத்தில்....?
- IndiaGlitz, [Saturday,March 03 2018]
பிரபல நடிகை ஸ்ரீதேவி கடந்த மாதம் 24ஆம் தேதி துபாயில் எதிர்பாராத வகையில் திடீரென மரணம் அடைந்தது அவரது குடும்பத்தினர் மட்டுமின்'றி ரசிகர்களுக்கும் பெரும் வேதனையை அளித்தது.
லட்சக்கணக்கானோர் கண்ணீர் அஞ்சலி செலுத்த அவரது உடல் கடந்த புதன்கிழமை மும்பையில் தகனம் செய்யப்பட்டது. இந்த நிலையில் மறைந்த நடிகை ஸ்ரீதேவியின் கணவர் போனிகபூர் மற்றும் மகள்கள் ஜான்வி கபூர், குஷிகபூர் ஆகியோர் நேற்று சென்னை வந்தனர்.
இன்று மூவரும் ராமேஸ்வரம் சென்று ஸ்ரீதேவியின் அஸ்தியை கரைக்கவுள்ளதாக செய்திகள் வெளிவந்துள்ளது. இந்திய அளவிலும், உலக அளவிலும் புகழ் பெற்றாலும் தமிழகத்தில் பிறந்து வளர்ந்த ஸ்ரீதேவியின் அஸ்தி, கடைசியில் தமிழகத்தில் தான் கரைக்கப்படுகிறது என்பது குறிப்பிடத்தக்கது.