మదర్స్ డే సంద‌ర్భంగా చైనాలో 'మామ్‌'
- IndiaGlitz, [Sunday,May 12 2019]
శ్రీదేవి ప్ర‌ధాన‌పాత్ర‌లో ర‌వి ఉద్యావ‌ర్ ద‌ర్శ‌క‌త్వంలో తెర‌కెక్కిన చిత్రం 'మామ్‌'. శ్రీదేవి న‌టించిన 300వ చిత్ర‌మిది. జూలై 7, 2017న ఈ సినిమా విడుద‌లైంది. ఈ సినిమా త‌ర్వాత శ్రీదేవి చ‌నిపోవ‌డం సినీ లోకానికి తీర‌ని లోటుగా మిగిలింది. యుక్త వ‌య‌సులోని కూతురికి, త‌ల్లికి మధ్య జరిగిన ఎమోష‌న్స్ ఆధారంగా ఈ సినిమా తెర‌కెక్కింది. ఈ చిత్రాన్ని మదర్స్ డే సంద‌ర్భంగా చైనాలో విడుద‌ల చేశారు. ఎమోష‌న‌ల్ ఎంట‌ర్‌టైన‌ర్స్‌కు ఈ మధ్య చైనాలో మంచి ఆద‌ర‌ణ ల‌భిస్తుంది. ఆ కోవ‌లో శ్రీదేవి 'మామ్‌' చిత్రానికి మంచి ఆద‌ర‌ణ ల‌భిస్తుంద‌ని సినీ వ‌ర్గాలు భావిస్తున్నాయి.