ஒரே ஒரு நாளில் 35 வருட சாதனையை தவறவிட்ட ஸ்ரீதேவி
- IndiaGlitz, [Wednesday,February 28 2018]
தென்னிந்திய மொழியில் பிரபலமாக இருக்கும்போதே பாலிவுட் சென்ற ஸ்ரீதேவி, அங்கும் நம்பர் ஒன் நடிகையாக மிக்குறுகிய காலத்தில் முன்னேறினார். பாலிவுட்டில் அவருக்கு பேரும் புகழையும் பெற்று தந்த முதல் திரைப்படம் 'ஹிம்மத்வாலா'
இந்த படம் கடந்த 1983ஆம் ஆண்டு பிப்ரவரி மாதம் 25ஆம் தேதி வெளியானது. இந்த ஆண்டு பிப்ரவரி 25ஆம் தேதியுடன் இந்த படம் வெளியாகி 35 வருடங்கள் என்ற சாதனையை நிகழ்த்தியது. ஆனால் அதற்கு ஒருநாள் முன்னர் அதாவது பிப்ரவரி 24ஆம் தேதியே ஸ்ரீதேவி மரணம் அடைந்துவிட்டார்.
ஹிம்மத்வாலா' திரைப்படம் ஸ்ரீதேவிக்கு மட்டுமின்றி இந்த படத்தின் நாயகன் ஜிதேந்திராவுக்கு ஒரு முக்கிய படம். வரிசையாக தோல்வி படங்கள் கொடுத்து கொண்டிருந்த ஜிதேந்திராவுக்கு ஒரு திருப்புமுனையாக 'ஹிம்மத்வாலா' படத்தின் வெற்றி இருந்தது. ஸ்ரீதேவி, ஜிதேந்திரா இருவரையும் புகழின் உச்சிக்கு கொண்டு சென்ற இந்த படத்தில் முதலில் நாயகியாக ரேகா தான் நடிப்பதாக இருந்தது. ஆனால் கால்ஷீட் பிரச்சனையால் அவர் விலகிவிட அதன்பின்னர் ஸ்ரீதேவி இந்த படத்தில் ஒப்பந்தமானார் என்பது குறிப்பிடத்தக்கது.