జాన్వి సినిమాలో శ్రీదేవి?
- IndiaGlitz, [Saturday,November 18 2017]
ఒకప్పటి అందాల తార శ్రీదేవి చాలా గ్యాప్ తర్వాత వరుస సినిమాలతో బిజీ అయిపోయింది. గ్యాప్ వచ్చినంత మాత్రానా తనలో నటనాప్రతిభ ఏం మాత్రం తగ్గలేదని ఈ మధ్య వచ్చిన ఆమె సినిమాలు చెప్పాయి. అలాగే తన పెద్ద కుమార్తె జాన్వి కపూర్ ని పరిచయం చేస్తూ ఒక సినిమాని కూడా స్టార్ట్ చేయబోతున్నారు. మరాఠీలో బ్లాక్ బస్టర్ గా నిలిచినా 'సైరాట్' అనే మూవీని 'ధడక్' అనే పేరుతో హిందీలో రీమేక్ చేస్తున్నారు.
ఈ సినిమాలో జాన్వికి జోడీగా ఇషాన్ ఖత్తర్ నటించబోతున్నాడు. ఇషాన్ బాలీవుడ్ యాక్టర్ షాహిద్ కపూర్ సోదరుడు కావడం విశేషం. శ్రీదేవి కూడా ధడక్' సినిమాతో జాన్వికి గ్రాండ్ గా లాంచింగ్ ఇవ్వాలని భావిస్తోంది. అంతే కాకుండా.. ఈ మూవీలో జాన్వికి తల్లి పాత్ర ఉంటే.. ఆ పాత్ర చేయడానికి కూడా శ్రీదేవి సిద్ధ‌మైంద‌ని వార్తలు వినిపిస్తున్నాయి.
ఆ పాత్రే ఈ సినిమాకి ఎంతో కీలకం. శ్రీదేవి అయితే ఆ పాత్రకి న్యాయం చేస్తారని భావించే.. ఆమెను చిత్ర యూనిట్ సంప్రదించిందని బాలీవుడ్ లో టాక్. ఈ సినిమా డిసెంబర్ నుంచి రెగ్యులర్ షూటింగ్ జరుపుకుంటుంది. వచ్చే సంవత్సరం జూలై 6న ఈ సినిమాని రిలీజ్ చేయనున్నారు.