ఆ వార్త‌ల్లో నిజం లేదంటున్న‌శ్రీదేవి
- IndiaGlitz, [Thursday,September 24 2015]
విజయ్ హీరోగా శింబు దేవ‌న్ ద‌ర్శ‌క‌త్వంలో రూపొందుతున్న భారీ చిత్రం పులి. ఈ చిత్రాన్ని అక్టోబ‌ర్ 1న ప్ర‌పంచ వ్యాప్తంగా రిలీజ్ చేస్తున్నారు. ఈ చిత్రంలో అతిలోక సుంద‌రి శ్రీదేవి మ‌హారాణిగా న‌టించింది. ఇక అస‌లు విష‌యానికి వ‌స్తే...శ్రీదేవి త‌న‌య జాహ్న‌వి సినీరంగ ప్ర‌వేశం గురించి గ‌త కొన్ని రోజులుగా వార్త‌లు వ‌స్తూనే ఉన్నాయి. నాగార్జున వార‌సుడు అఖిల్ స‌ర‌స‌న జాహ్న‌వి న‌టిస్తుందంటూ వార్త‌లు వ‌చ్చాయి. కానీ అలా జ‌ర‌గ‌లేదు. తాజాగా మ‌మ్ముట్టి త‌న‌యుడు దుల్క‌ర్ స‌ల్మాన్ స‌ర‌స‌న జాహ్న‌వి న‌టిస్తున్న‌ట్టు ప్ర‌చారం జ‌రుగుతుంది.
పులి ప్ర‌మోష‌న్ కార్య‌క్ర‌మాల్లో పాల్గొన్న శ్రీదేవిని జాహ్న‌వి సినీరంగ ప్ర‌వేశం గురించి అడిగితే...అది నా చేతుల్లో లేదు. కాల‌మే నిర్ణ‌యించాలి. ప్ర‌స్తుతానికి జాహ్న‌వి దృష్టి అంతా చ‌దువుపైనే. జాహ్న‌వి హీరోయిన్ గా న‌టిస్తుందంటూ వ‌స్తున్న వార్త‌ల్లో ఏమాత్రం నిజం లేదంటుంది అతిలోక సుంద‌రి శ్రీదేవి. మ‌రి..జాహ్న‌వి అరంగేట్రానికి టైం ఎప్పుడు వ‌స్తుందో..చూడాలి.