பிரபல நடிகை ஸ்ரீதேவியின் உடல் நேற்றே இந்தியாவுக்கு கொண்டு வரப்படும் என்று எதிர்பார்க்கப்பட்ட நிலையில் துபாய் காவல்துறையின் பல்வேறு நடவடிக்கைகள் காரணமாக தாமதம் ஏற்பட்டது. எனவே ஸ்ரீதேவியின் உடல் இந்தியா வர இன்னும் இரண்டு நாட்கள் ஆகலாம் என்ற செய்திகள் வெளிவந்த நிலையில் தற்போது வந்துள்ள புதிய தகவலின்படி நடிகை ஸ்ரீதேவியின் உடலை இந்தியா கொண்டு செல்ல துபாய் காவல்துறை அனுமதியளித்துள்ளது.

ஸ்ரீதேவி மரணம் குறித்த ஆவணங்கள் அனைத்தும் இந்திய தூதரகத்தில் ஒப்படைக்கப்பட்டதை தொடர்ந்து துபாய் காவல்துறை இந்த அனுமதியை அளித்துள்ளது என்பது குறிப்பிடத்தக்கது. இதனையடுத்து ஸ்ரீதேவியின் உடல் அவருடைய உறவினர்களிடம் இன்னும் சில நிமிடங்களில் ஒப்படைக்கப்படவுள்ளது

உறவினர்களிடம் ஸ்ரீதேவியின் உடல் ஒப்படைக்கப்பட்டபின்னர் என்பார்மிங் செய்யப்பட்டு மும்பைக்கு இன்றிரவு கொண்டுவர வாய்ப்புள்ளது என்று செய்திகள் வெளிவந்துள்ளது.