'ஒருநாள் கூத்து' படத்துடன் இணைந்த 'புரூஸ்லீ'
- IndiaGlitz, [Wednesday,March 02 2016]
கடந்த வாரம் அருள்நிதி நடித்த 'ஆறாவது சினம்' படத்தை ரிலீஸ் செய்த ஸ்ரீதேனாண்டாள் பிலிம்ஸ் நிறுவனம், வரும் வெள்ளியன்று மிகுந்த எதிர்பார்ப்பை ஏற்படுத்தியுள்ள 'சவுகார்பேட்டை' படத்தை ரிலீஸ் செய்கிறது. பேய்ப்படமான இந்த படத்தில் ஸ்ரீகாந்த் மற்றும் லட்சுமிராய் நடித்துள்ளனர்.
இந்நிலையில் ஸ்ரீதேனாண்டாள் பிலிம்ஸ் நிறுவனம் ஜி.வி.பிரகாஷ் நடித்த 'புரூஸ்லீ' மற்றும் 'அட்டக்கத்தி' தினேஷ் நடித்த 'ஒருநாள் கூத்து' ஆகிய இரண்டு படங்களின் தமிழக ரிலீஸ் உரிமையை பெற்றுள்ளது. இந்த தகவலை அந்த நிறுவனம் தனது சமூக வலைத்தளத்தில் உறுதிசெய்துள்ளது என்பது குறிப்பிடத்தக்கது.
ஜி.வி.பிரகாஷ் ஹீரோவாக நடித்து இசையமைத்துள்ள 'புரூஸ்லீ' படத்தில் கீர்த்தி கார்பானந்தா, 'நான் கடவுள்' ராஜேந்திரன் உள்பட பலர் நடித்துள்ளனர். பிரசாந்த் பாண்டியராஜன் இயக்கியுள்ள இந்த படத்தை கெனன்யா பிலிம்ஸ் தயாரித்துள்ளது.
மேலும் அட்டக்கத்தி தினேஷ், மியா ஜார்ஜ், கருணாகரன், ரித்விகா உள்ளிட்ட பலர் நடித்த 'ஒருநாள் கூத்து' திரைப்படத்தை நெல்சன் என்பவர் இயக்கியுள்ளார் என்பது குறிப்பிடத்தக்கது. இந்த இரண்டு படங்களின் ரிலீஸ் தேதிகளும் விரைவில் அதிகாரபூர்வமாக அறிவிக்கப்படும் என தெரிகிறது.