ఈ మ‌ధ్య కాలంలో ప్ర‌తి రోజూ ఏదో ఒక విష‌యంతో వార్త‌ల్లో ఉన్న వ్య‌క్తి కంగ‌న‌. ఇటీవ‌ల వారం రోజులు ఆమె మీడియాకు దూరంగా ఉన్నారు. తిరిగి వ‌చ్చాక 'న‌న్ను మీడియా బాగా మిస్ అయిన‌ట్టుంది' అని సెటైర్లు కూడా వేశారు. అంటే కంగ‌న మీడియాలో ఎంత‌గా ఉంటారో అర్థం చేసుకోవ‌చ్చు.

తాజాగా కంగ‌న మీడియాలో ఉన్న‌ది జ‌య‌ల‌లిత బ‌యోపిక్ కోసం. విజ‌య్ ద‌ర్శ‌క‌త్వం వ‌హించ‌బోయే ఈ చిత్రంలో కంగ‌న మాజీ ముఖ్య‌మంత్రి జ‌య‌ల‌లిత‌గా న‌టించ‌బోతున్నారు. సినిమాకు 'త‌లైవి' అనే పేరు ఖ‌రారు చేశారు. దీని గురించి తాజాగా శ్రీరెడ్డి స్పందించారు.

త‌మిళ‌నాడు ఐర‌న్ లేడీ జ‌య‌ల‌లిత అని పొగిడారు. త‌మిళ‌నాడు సామ్రాజ్యాన్ని అద్వితీయంగా పాలించార‌ని అన్నారు. త‌మిళ‌నాడును ఒక్క వేలుతో పాలించిన ఘ‌న‌త ఆమెద‌ని చెప్పారు. అలాంటి జ‌య‌ల‌లిత పాత్ర‌లో కంగ‌నా ర‌నౌత్ కాకుండా, ద‌క్షిణాది న‌టి ఎవ‌రైనా న‌టిస్తే బావుంటుంద‌ని ఆమె అభిప్రాయ‌ప‌డ్డారు.