பிரபல தெலுங்கு நடிகை ஸ்ரீரெட்டி கடந்த சில மாதங்களாக தெலுங்கு திரையுலக பிரபலங்கள் மீது பாலியல் குற்றச்சாட்டுக்களை கூறி பெரும் பரபரப்பை ஏற்படுத்தினார். இந்த பரபரப்பு தற்போது ஓய்ந்துள்ள நிலையில் கோலிவுட் பிரபமுகர்கள் மீது பாலியல் குற்றச்சாட்டுக்களை அடுத்தடுத்து கூறி வருகிறார். இதனால் தற்போது ஸ்ரீரெட்டியால் கோலிவுட் திரையுலகம் பரபரப்பு அடைந்துள்ளது. ஸ்ரீரெட்டியின் அடுத்த டார்கெட் யாராக இருக்கும் என்பதே அனைவரின் எதிர்பார்ப்பாக உள்ளது.

இந்த நிலையில் சமீபத்தில் ஒரு சமூக வலைத்தள லைவ் நிகழ்ச்சியில் கலந்து கொண்டு ரசிகர்களின் கேள்விகளுக்கு பதிலளித்தார். அப்போது ரசிகர் ஒருவர் தமிழ் சினிமாவில் உங்களை கவர்ந்த நடிகர் யார்? என்ற கேள்விக்கு ஒருசில வினாடிகள் யோசித்த ஸ்ரீரெட்டி, 'அஜித்' என்று கூறினார். 

ஸ்ரீரெட்டியின் இந்த வீடியோ சமூக வலைத்தளத்தில் வைரலாகி வருகிறது. இந்த வீடியோவால் மீண்டும் அஜித், விஜய் ரசிகர்களிடையே இணைய மோதல் ஏற்பட்டுள்ளது.