విశాల్‌కు సారీ చెప్పిన శ్రీరెడ్డి....
- IndiaGlitz, [Wednesday,July 18 2018]
కాస్టింగ్ కౌచ్‌పై నోరు విప్పి టాలీవుడ్‌లో ప్ర‌కంప‌న‌లు రేపిన శ్రీరెడ్డి.. ఇప్పుడు కోలీవుడ్‌లో ప్ర‌కంప‌న‌లు సృష్టిస్తుంది. ఎ.ఆర్‌.మురుగ‌దాస్‌, లారెన్స్‌, శ్రీకాంత్‌, సుంద‌ర్.సి వంటి ప్రముఖుల‌పై వివాద‌స్ప‌ద కామెంట్స్ చేసి వార‌ల్లో నిలిచింది. విశాల్‌పై కూడా ప‌నిలో ప‌నిగా కామెంట్స్ చేసింది.
విశాల్ త‌న‌ను బెదిరిస్తున్నాడంటూ ఆరోప‌ణ‌లు చేసింది. ఇలాంటి ప‌రిణామాల నేప‌థ్యంలో... ఓ టీవీ చానెల్‌కు ఇచ్చిన ఇంట‌ర్వ్యూలో విశాల్‌కు క్ష‌మాప‌ణ‌లు చెప్పింది.
'న‌న్ను క్ష‌మించండి విశాల్.. న‌టీమ‌ణుల‌కు జ‌రిగే అన్యాయం ప్ర‌శ్నించే స్థానంలో మీరు ఉన్నారు. మీ వ‌ల్లే ఈ స‌మ‌స్య ప‌రిష్కారం అవుతుంది' అని శ్రీరెడ్డి అన్నారు. ఉన్న‌ట్టుండి శ్రీరెడ్డి ఇలా ప్లేట్ ఫిరాయించ‌డానికి కార‌ణ‌మేంట‌ని అంద‌రూ ఆలోచ‌న‌లో ప‌డ్డారు.