டோலிவுட் திரையுலகில் கடந்த சில நாட்களாக நடிகை ஸ்ரீரெட்டி, பாலியல் தொல்லை கொடுத்த பிரபலங்களின் பெயர்களை வெளியிட்டு வருகிறார். ஸ்ரீரெட்டி லீக்ஸ் என்ற பெயரில் வெளியாகியுள்ள பட்டியலில் இயக்குனர் கொரட்டலா சிவா, நடிகர் ராணாவின் சகோதரர் அபிராம், எழுத்தாளர் கோனாரெட்டி உள்பட பலர் அடங்குவர்.

இந்த நிலையில் தற்போது தயாரிப்பாளர் அப்பாரெட்டி என்பவர் 100 பெண்களுக்கும் மேல் பாலியல் ரீதியாக பயன்படுத்தியுள்ளார் என்றும் அவர்களில் 16 வயது சிறுமிகளும் அடங்குவர் என்றும் திடுக்கிடும் தகவல் ஒன்றை தனது சமூக வலைத்தளத்தில் தெரிவித்துள்ளார். ஸ்ரீரெட்டியின் புகாரை அடுத்து பல இளம்பெண்கள் ஒரு டிவி சேனலுக்கு போன் செய்து அப்பாராவ் தங்களை பாலியல் டார்ச்சர் செய்தது உண்மைதான் என தெரிவித்துள்ளனர். 

இந்த நிலையில் ஸ்ரீரெட்டி கூறியதில் எந்த உண்மையும் இல்லை என தயாரிப்பாளர் அப்பாரெட்டி மறுப்பு தெரிவித்துள்ளார். இருப்பினும் இன்னும் யார் யார் தலை ஸ்ரீரெட்டியால் உருளப்போகிறது என தெலுங்கு திரையுலகே டென்ஷனில் உள்ளது.