నాగార్జున 'శ్రీరామదాసు' కి పదేళ్లు
- IndiaGlitz, [Wednesday,March 30 2016]
'అన్న‌మ‌య్య', 'సంతోషం' చిత్రాల త‌రువాత అక్కినేని నాగార్జున‌కి ముచ్చ‌ట‌గా మూడోసారి నంది అవార్డుని అందించిన చిత్రం 'శ్రీరామదాసు'. 'అన్న‌మ‌య్య' వంటి సంచ‌ల‌న ఆధ్యాత్మిక చిత్రం త‌రువాత క‌థానాయ‌కుడు నాగార్జున, ద‌ర్శ‌కుడు కె.రాఘవేంద్ర రావు, సంగీత ద‌ర్శ‌కుడు ఎం.ఎం.కీర‌వాణి కాంబినేష‌న్‌లో వ‌చ్చిన మ్యూజిక‌ల్ హిట్ చిత్రం ఇది.
'అన్న‌మ‌య్య'లో శ్రీ వేంక‌టేశ్వ‌ర స్వామిగా న‌టించిన అందాల న‌టుడు సుమ‌న్.. ఇందులో శ్రీ‌రాముడిగా న‌టించ‌డం ఓ విశేషం. నాగార్జున స‌ర‌స‌న స్నేహ క‌థానాయిక‌గా న‌టించిన ఈ సినిమాలో.. మ‌హాన‌టుడు అక్కినేని నాగేశ్వ‌ర‌రావు ఓ కీల‌క పాత్ర పోషించారు. ఆణిముత్యాల్లాంటి పాట‌ల‌తో పాటు క‌నువిందైన దృశ్యాల‌తో రూపొందిన 'శ్రీరామదాసు'.. 2006లో మార్చి 30న ప్రేక్ష‌కుల ముందుకు వ‌చ్చింది. అంటే.. 'శ్రీరామదాసు' విడుద‌లై నేటితో ప‌ది సంవ‌త్స‌రాలు పూర్త‌వుతోంద‌న్న‌మాట.