சூர்யாவுடன் நடிக்க விரும்பும் சிவகார்த்திகேயன் நாயகி
- IndiaGlitz, [Thursday,October 13 2016]
சிவகார்த்திகேயன் நடித்த 'வருத்தப்படாத வாலிபர் சங்கம்', மற்றும் 'காக்கி சட்டை' ஆகிய இரண்டு படங்களில் நாயகியாக நடித்த நடிகை ஸ்ரீதிவ்யா, இந்த இரண்டு படங்களிலும் சிவகார்த்திகேயனுடன் கெமிஸ்ட்ரி நன்றாக இருந்ததாக விமர்சிக்கப்பட்டவர் என்பது தெரிந்ததே.
தற்போது கார்த்தி, நயன்தாரா நடித்துள்ள 'காஷ்மோரா' படத்தில் முக்கிய வேடத்தில் நடித்துள்ள ஸ்ரீதிவ்யா, அந்த படத்தின் ரிலீஸை பெரிதும் எதிர்நோக்கியுள்ளார். இந்த படம் தனக்கு நிச்சயம் திருப்புமுனையை கொடுக்கும் என்று அவர் நம்புகிறார்.
இந்நிலையில் ஸ்ரீதிவ்யா சமீபத்தில் அளித்த பேட்டி ஒன்றில் தனக்கு சூர்யாவுடன் நடிக்க வேண்டும் என்பது வெகுநாள் ஆசை என்றும் அந்த ஆசை விரைவில் நிறைவேறும் என்று தான் நம்புவதாகவும் தெரிவித்துள்ளார்.
மேலும் காஷ்மோரா' படத்தில் நயன்தாராவுடன் நடித்திருந்தாலும் இருவரும் இணைந்து நடித்த காட்சிகள் வெகு குறைவு என்றும் ஒரே ஒரு நாள் மட்டுமே அவருடன் இணைந்து நடித்த காட்சிகள் படமாக்கப்பட்டதாகவும் கூறியுள்ளார்.