ஸ்ரீதிவ்யாவின் பிறந்த நாள் குழப்பம்
- IndiaGlitz, [Wednesday,May 25 2016]
பிரபல நடிகர் கார்த்தி, பிரபல நகைச்சுவை நடிகர் கவுண்டமணி ஆகியோர் இன்று தங்கள் பிறந்தநாளை சிறப்பாக கொண்டாடி வந்த செய்தியினை ஏற்கனவே பார்த்தோம். இந்நிலையில் நடிகை ஸ்ரீதிவ்யாவின் பிறந்த நாள் இன்றுதான் என்று அவருடைய ரசிகர்கள் ஸ்ரீதிவ்யாவுக்கு தங்கள் வாழ்த்துக்களை தெரிவித்து வந்தனர்.
ஸ்ரீதிவ்யாவின் விக்கிபீடியா பக்கத்தில் மே 25ஆம் தேதிதான் ஸ்ரீதிவ்யாவின் பிறந்தநாள் என்று பதிவு செய்யப்பட்டிருப்பதால் ரசிகர்கள் இன்று அவருக்கு பிறந்த நாள் வாழ்த்து தெரிவித்து வந்த நிலையில் ஸ்ரீதிவ்யா இதற்கு தனது சமூக வலைத்தளத்தில் ஒரு விளக்கம் அளித்துள்ளார்.
இன்று எனது பிறந்தநாள் என கருதி வாழ்த்து தெரிவித்த அனைவருக்கும் நன்றி. இருப்பினும் எனது உண்மையான பிறந்த நாள் நவம்பர் 30ஆம் தேதிதான். அன்றைய தினம் அனைவரும் என்னை வாழ்த்தும்படி அன்புடன் கேட்டுக்கொள்கிறேன்' என்று தெரிவித்துள்ளார். ஸ்ரீதிவ்யாவின் இந்த விளக்கத்தினால் அவருடைய பிறந்தநாள் குழப்பம் முடிவுக்கு வந்ததாக கருதப்படுகிறது.