ஹன்சிகாவின் அடுத்த படத்தில் வில்லனாகும் பிரபல கிரிக்கெட் வீரர்!
- IndiaGlitz, [Friday,October 11 2019]
நடிகை ஹன்சிகா தமிழ் சினிமாவில் கடந்த சில ஆண்டுகளாக தத்தளித்து வந்த போதிலும் தற்போது அவர் ’மஹா’ உட்பட ஒரு சில படங்களில் நடித்து வருகிறார். இந்த படங்கள் வெளியாகும்போது அவரது மார்க்கெட் மீண்டும் உயரும் என எதிர்பார்க்கப்படுகிறது.
இந்த நிலையில் மேலும் ஒரு புதிய படத்தில் நடிக்க ஹன்சிகா ஒப்பந்தம் ஆகியுள்ளார். யோகி பாபு நடித்த ’தர்ம பிரபு’ படத்தை தயாரித்த ஸ்ரீவாரி பிலிம்ஸ் தயாரிக்கும் அடுத்த த்ரில் படத்தில் ஹன்சிகா நடிக்கவுள்ளார்.
நாயகிக்கு முக்கியத்துவம் உள்ள இந்த படத்தில் ஹன்சிகா இதுவரை நடித்திராத ஒரு வித்தியாசமான கேரக்டரில் நடிக்க உள்ளார் என்றும், இந்த படத்தில் பிரபல கிரிக்கெட் வீரர் ஸ்ரீசாந்த் வில்லன் வேடத்தில் நடிக்கவிருப்பதாகவும் செய்திகள் வெளிவந்துள்ளது.
இந்த படத்தை இயக்குனர் ஹரிஹரிஸ் இயக்க உள்ளார். திகில் மற்றும் காமெடி கலந்த இந்த படத்தின் படப்பிடிப்பு விரைவில் தொடங்க இருப்பதாகவும் இந்த படம் வரும் கோடை விடுமுறையில் வெளியிட திட்டமிட்டிருப்பதாகவும் கூறப்படுகிறது.
கிரிக்கெட் வீரர் ஸ்ரீசாந்த் ஏற்கனவே இந்தி, மலையாலம் மற்றும் கன்னட மொழி படங்களில் நடித்திருந்தாலும் அவர் நடிக்கும் முதல் தமிழ் படம் என்பதால் இந்த படத்திற்கு எதிர்பார்ப்பு ஏற்பட்டுள்ளது.