சூர்யா-கார்த்தி ரசிகர்களுக்கு பிரபல தயாரிப்பாளரின் வேண்டுகோள்!
- IndiaGlitz, [Saturday,April 18 2020]
கொரோனா வைரஸ் காரணமாக தமிழகம் முழுவதும் கடந்த சில வாரங்களாக ஊரடங்கு உத்தரவு அமலில் இருப்பதை அடுத்து லட்சக்கணக்கான ஏழை எளிய மக்கள் வேலையின்றி, வருமானம் இன்றி பசியால் வாடுகின்றனர். இருப்பினும் பல சமூக ஆர்வலர்கள், தன்னார்வலர்கள் ஏழை எளிய மக்களுக்கு ரொக்கம் மற்றும் உணவுப்பொருட்கள் கொடுத்து உதவி செய்து வருகின்றனர்.
இந்த நிலையில் ஏழை, எளிய மக்களின் பசியை போக்குவதில் மாஸ் நடிகர்களின் ரசிகர்களின் பங்கு மகத்தானது. ரஜினி, அஜித், விஜய் உள்பட பல நடிகர்களின் ரசிகர்கள் தங்கள் சொந்த காசை போட்டு ஏழை, எளிய மக்களின் உணவுத்தேவையை பூர்த்தி செய்து வருகின்றனர்.
இந்த நிலையில் கடந்த சில நாட்களாகவே சூர்யா மற்றும் கார்த்தி ரசிகர்கள் இணைந்து ஏழை, எளிய மக்களுக்கு உணவளிக்கும் சேவையை செய்து வருகின்றனர். இந்த நிலையில் பிரபல தயாரிப்பாளர் எஸ்.ஆர்.பிரபு தனது சமூக வலைத்தளத்தில் சூர்யா, கார்த்தி ரசிகர்களுக்கு ஒரு வேண்டுகோளை விடுத்துள்ளார். அவர் கூறியதாவது: சூர்யா மற்றும் கார்த்தி ரசிகர்கள் கடந்த சில நாட்களாக ஓய்வின்றி மாநிலம் முழுவதும் ஏழை மக்களுக்கு உணவு மற்றும் மாஸ்குகள் கொடுக்கும் பணியில் ஈடுபட்டு வருகின்றனர். அவர்களுடைய சேவைக்கு பாராட்டுக்கள். ஆனால் அதே நேரத்தில் அவர்களுக்கு ஒரு வேண்டுகோள். பொதுமக்களுக்கு உதவி செய்யும் போது மாஸ்க் உள்ளிட்ட பாதுகாப்பான உபகரணங்களை அணிந்து கொள்ளுங்கள், அதேபோல் சமூக விலகலையும் கட்டாயம் கடைபிடியுங்கள்’ என்று கூறியுள்ளார்.
Friends from #Suriya na & #Karthi na fan clubs are working tirelessly to provide food & safety gears to people all over the state. Appreciate them for their best efforts. Meanwhile I sincerely request them to be safe and maintain proper social distance while helping others.
— S.R.Prabhu (@prabhu_sr) April 18, 2020