యువ నటుడు కిరణ్ అబ్బవరం హీరోగా నటిస్తున్న చిత్రం 'SR కల్యాణమండపం'. టాక్సీవాలా ఫేమ్ హాట్ బ్యూటీ ప్రియాంక జవాల్కర్ హీరోయిన్ గా నటిస్తోంది. ఇటీవల విడుదలైన ఈ చిత్ర పాటలు, టీజర్స్ తో సినిమాపై మంచి బజ్ ఏర్పడింది. దర్శకుడు శ్రీధర్ గాదె ఈ చిత్రాన్ని వినోదాత్మక అంశాలతో తెరకెక్కిస్తున్నారు.

నేడు హీరో కిరణ్ పుట్టినరోజు సందర్భంగా చిత్ర యూనిట్ ఓ టీజర్ రిలీజ్ చేసింది. కిరణ్ యాటిట్యూడ్ ని హైలైట్ చేస్తూ కట్ చేసిన టీజర్ బావుంది. 'మూతిమీద మీసాలు ఇప్పుడిప్పుడే వస్తున్నాయి కదరా పెద్దలతో ఎట్టా మాట్లాడాలో నేర్పించలేదా మీ నాయన నీకు' అనే డైలాగ్ బ్యాగ్రౌండ్ లో వినిపిస్తుంది. 'గడ్డాలు నరిసినా బుద్దిరాని వాళ్ళతో ఎలా మాట్లాడాలి' అంటూ కిరణ్ పంచ్ డైలాగ్ కొడుతున్నాడు.

టీజర్ లో బ్యాగ్రౌండ్ సంగీతం ఆకట్టుకుంటోంది. కిరణ్ బాయ్ నెక్స్ట్ డోర్ కుర్రాడిలా కనిపిస్తున్నాడు. అతడి యాటిట్యూడ్, స్టైల్ మాస్ కు చేరువయ్యేలా ఉన్నాయి. దాదాపు 30 సెకండ్ల ఈ టీజర్ తో చిత్ర యూనిట్ కిరణ్ కు బర్త్ డే విషెష్ తెలిపింది.

ఈ చిత్రాన్ని ఎలైట్ ఎంటర్టైన్మెంట్స్ బ్యానర్ లో ప్రమోద్, రాజు నిర్మిస్తున్నారు. ఈ చిత్రానికి చేతన్ భరద్వాజ్ సంగీత దర్శకుడు. టాక్సీవాలా చిత్రంలో మాయ చేసిన ప్రియాంక జవాల్కర్ ఈ మూవీపై బోలెడు ఆశలే పెట్టుకుని ఉంది. SR కల్యాణమండపం హిట్ అయితే ప్రియాంక జవాల్కర్ కెరీర్ ఊపందుకున్నట్లే. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.