'స్పైడర్ ' టీజర్ రివ్యూ
- IndiaGlitz, [Wednesday,August 09 2017]
ఎప్పుడెప్పుడా అని మహేష్ అభిమానులు, ప్రేక్ష‌కులు ఎంతో ఆస‌క్తిగా ఎదురుచూసిన స్పైడర్ టీజర్ మహేష్ పుట్టిన‌రోజు సంద‌ర్భంగా ఈరోజు విడువ‌లైంది. సూపర్‌స్టార్‌ మహేష్, ఎ.ఆర్‌.మురుగదాస్ కాంబినేషన్‌లో ఠాగూర్‌ మధు సమర్పణలో ఎన్‌.వి.ఆర్‌. సినిమా ఎల్‌ఎల్‌పి, రిలయన్స్‌ ఎంటర్‌టైన్‌మెంట్‌ పతాకాలపై ఎన్‌.వి.ప్రసాద్‌ నిర్మిస్తున్న భారీ చిత్రం 'స్పెడర్‌' సినిమా అనౌన్స్‌మెంట్ రోజు నుండే భారీ అంచనాలు నెల‌కొన్నాయి. అందుకు ప్ర‌త్యేక కార‌ణాలు చెప్పనక్కర్లేదు. మహేష్, మురుగదాస్ కాంబినేష‌న్‌పై ఉన్న ఆస‌క్తి. అల్రెడి విడుద‌లైన ఓ టీజర్ సోష‌ల్ మీడియాలో సెన్సేష‌న్ క్రియేట్ చేసింది. ఇప్పుడు ఈ కొత్త టీజర్ విడుద‌లైన నాలుగు గంట‌ల్లోనే రెండు మిలియ‌న్ వ్యూస్ దిశ‌గా ప‌రుగులు పెడుతుంది.
ఇక టీజర్ విషయానికి వ‌స్తే, ఇద్ద‌రి వ్య‌క్తుల మ‌ధ్య జ‌రిగే మైండ్ గేమ్ అని తెస్తుంది. విల‌న్‌గా ఎస్‌.జె.సూర్య జ‌నాల్ని చంపుతుంటాడు. మ‌రి అలా ఎందుకు చేస్తాడ‌నేది స‌స్పెన్స్‌గా ఉంది. పెరుగుతున్న జ‌నాభాను కంట్రోల్ చేసేందుకు భూకంపం, సునామీలా నేను ఒక భాగ‌మే. నీలాంటి వాడున్న ఊర్లోనే ఇలాంటివాడొక‌డుంటాడు.
భ‌యం అది పుట్టించేదెవ‌రు మేమే అని విలన్ అంటే ఆరోజు అంత మంది జ‌నంలో నువ్వు దాక్కున్నావే అదే భ‌యం. భ‌య‌పెట్ట‌డం మాకు తెలుసు అని మహేష్ చెప్పే డైలాగ్స్‌తో పాటు మహేష్ యాక్ష‌న్స్ సీన్‌, మహేష్, ర‌కుల్ మ‌ధ్య ల‌వ్ సీన్స్ టీజ‌ర్‌లో క‌న‌ప‌డ‌తాయి. సంతోష్ శివ‌న్ సినిమాటోగ్ర‌ఫీ గురించి ప్రత్యేకంగా చెప్పనక్కర్లేదు. హేరిష్ జ‌యరాజ్ బ్యాక్‌గ్రౌండ్ స్కోర్ శాంపిల్స్ చూపించాడు. మొత్తం మీద టీజర్ మహేష్ ఫ్యాన్స్‌ను, ప్రేక్ష‌కులను ఎంట‌ర్‌టైన్ చేస్తూ సినిమాపై అంచనాలు మ‌రింత పెంచింది.