'ஸ்பைடர்' தமிழ் பதிப்பின் சென்சார் தகவல்கள்
- IndiaGlitz, [Tuesday,September 19 2017]
தெலுங்கு சூப்பர் ஸ்டார் மகேஷ்பாபு நடிப்பில் பிரபல இயக்குனர் ஏ.ஆர்.முருகதாஸ் இயக்கிய 'ஸ்பைடர்' படத்தின் தெலுங்கு பதிப்பின் சென்சார் நேற்று நடைபெற்று 'யூஏ' சான்றிதழ் பெற்றது. இந்த நிலையில் இன்று இந்த படத்தின் தமிழ் பதிப்பின் சென்சாரும் முடிவடைந்துள்ளது.
'ஸ்பைடர்' படத்தின் தமிழ் பதிப்பிற்கு தெலுங்கு பதிப்பை போலவே சென்சார் அதிகாரிகள் 'யூஏ' சான்றிதழ் அளித்துள்ளனர். மேலும் இந்த படத்தில் மது அருந்தும் காட்சிகள், புகைப்பிடிக்கும் காட்சிகள் இல்லை என்பது குறிப்பிடத்தக்கது.
மேலும் இந்த படத்தின் ரன்னிங் டைம் 2 மணி நேரம் 25 நிமிடங்கள் ஆகும். செப்டம்பர் 27ஆம் தேதி வெளியாகவுள்ள இந்த படத்திற்கு மிகப்பெரிய எதிர்பார்ப்பு ஏற்பட்டுள்ளதால் தமிழின் முன்னணி நடிகர்களின் படங்களுக்கு இணையான ஓப்பனிங் வசூல் இந்த படத்திற்கு கிடைக்கும் என எதிர்பார்க்கப்படுகிறது.