ప్ర‌స్తుతం టాలీవుడ్ టాప్ హీరోయిన్‌ల‌లో ఒక‌రిగా రాణిస్తోంది ర‌కుల్ ప్రీత్‌సింగ్‌. చిన్న సినిమాల‌తో కెరీర్‌ని ప్రారంభించి.. ఇప్పుడు టాప్ హీరోల ప‌క్క‌న న‌టిస్తూ బిజీగా ఉందీ ముద్దుగుమ్మ‌. ర‌కుల్ కెరీర్‌లో తొలి హిట్ చిత్రం వెంక‌టాద్రి ఎక్స్‌ప్రెస్ అయితే.. ఆమెలో ఓ స్టార్ హీరోయిన్ మెటీరియ‌ల్ ఉంద‌న్న విష‌యం లౌక్యంతోనే ఇండ‌స్ట్రీ వ‌ర్గాల‌కు తెలిసొచ్చింది. ఆ సినిమా విజ‌యం త‌రువాత‌నే ర‌కుల్ హ‌వా మొద‌లైంది. అలాంటి లౌక్యం విడుద‌లైన తేదంటే ర‌కుల్‌కి ప్ర‌త్యేక‌మే.

2014లో సెప్టెంబ‌ర్ 26న ద‌స‌రా కానుక‌గా లౌక్యం విడుద‌లైంది. క‌ట్ చేస్తే.. మూడేళ్ల త‌రువాత మ‌హేష్‌బాబుతో తొలిసారిగా ర‌కుల్ జోడీక‌ట్టిన స్పైడ‌ర్ కూడా అదే టైంలో రిలీజ్ కానుండ‌డం విశేషం. లౌక్యం విడుద‌లైన తేదికి ఒక రోజు త‌రువాత అంటే సెప్టెంబ‌ర్ 27న ద‌స‌రా కానుక‌గా స్పైడ‌ర్ ప్రేక్ష‌కుల ముందుకు రానుంది. మ‌రి లౌక్యం లాగే స్పైడ‌ర్ కూడా ర‌కుల్‌కి మ‌రింత ప్ల‌స్ అవుతుందేమో చూడాలంటున్నాయి టాలీవుడ్ వ‌ర్గాలు.