ஐபிஎல் பஞ்சாப் அணியில் இடம்பெற்ற தளபதி விஜய்யின் ரசிகர்
- IndiaGlitz, [Thursday,December 20 2018]
2019ஆம் ஆண்டுக்கான ஐபிஎல் ஏலம் சமீபத்தில் நடந்தபோது ஐபிஎல் அணிகள் பல வீரர்களை ஏலம் எடுத்த நிலையில் பஞ்சாப் கிங்ஸ் IX அணி, தமிழக வீரர் வருண் சக்கரவர்த்தி என்ற வீரரை ரூ.8.4 கோடிக்கு ஏலம் எடுத்தது.
சுழல் பந்துவீச்சாளரான வருணின் ஆரம்ப விலை ரூ.20 லட்சமே இருந்த நிலையில் அவரை ஒருசில அணிகள் எடுக்க போட்டி போட்டதால் விலை ஏறிக்கொண்டே போய் இறுதியில் பஞ்சாப் அணி ஏலம் எடுத்தது. தமிழக இளம் வீரர் ஒருவர் இவ்வளவு பெரிய தொகைக்கு ஏலம் போனது அனைவரையும் ஆச்சரியத்தில் ஆழ்த்தியது.
இந்த நிலையில் வருண் சக்கரவர்த்தி குறித்த முழு தகவல்களை ஒரு ஆங்கில ஊடகம் வெளியிட்டுள்ள நிலையில் அதில் அவர் தளபதி விஜய்யின் தீவிர ரசிகர் என்பதை குறிப்பிட்டுள்ளது. இது விஜய் ரசிகர்களுக்கு உற்சாகத்தை அளிப்பதோடு அவர் மைதானத்தில் விளையாடும்போது அவருக்கு விஜய் ரசிகர்கள் மிகுந்த ஆதரவு அளிப்பார்கள் என கருதப்படுகிறது.